San Juan 18:20 - Biblia Guarani Tumpa Iñee

²⁰ Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

Nuevo Testamento Guaraní Pe

²⁰ Jayave Jesús jei chupe: —Che chemiari co opaete vae jovaque. Jecuaeño aporomboe judío reta itupao reta pe jare Tumpa jo pe. Echa joco pe jecuaeño oñemboatɨ judío reta. Mbaeti etei chemiari vɨari pe —jei—.

San Juan 18:20 Iomraidhean Croise

SALMOS 22:22

Amoërakuata nderee cherëtara reta pe; ndembae vae reta oyemboatɨa pe romboeteta.

SALMOS 40:9

Amoërakua jupi vae jeta yae vae oyemboatɨa pe, mbaetɨ chekïrii apɨta, cheYa, nde reikuaa.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 48:16

Peya katu cheré jare peyeapɨsaka: Iyɨpɨ güive, mbaetɨi chemiari vɨari; jókuae mbaembae reta oyemboɨpɨ oyembopo yave, che oime aiko joko pe. Jayave peYa Tumpa jare iEspíritu ko chembou.’

San Mateo 24:26

Jayave ïru vae reta jei yave peve: “Mase, oime oï ñuu pe”, agüɨye pekua, ani jei yave peve: “Mase, oime ko kuae o pe oï”, agüɨye perovia.

San Mateo 26:55

Jayave voi Jesús jei jókuae yogüeru vae reta pe: —¿Maera pa peyu kɨsepuku jare ɨvɨra ndive chepɨɨ vaerä, imonda vae kotɨ rami? Ara ñavo aguapɨ pe reta ndive tupao pe aporomboe. Jare mbaetɨ chepɨɨ.

San Mateo 26:65

Jayave sacerdote tenondegua ete kuae oendu yave, pochɨ ramo omondoro jemimonde, jei reve: —Jei ma ikavimbae yae vae Tumpa kotɨ. ¿Mbaerä ye pa yaekata kia imiari vaerä jese? Mase, pe reta etei peendu ma ikavimbae yae jei Tumpa kotɨ vae.

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Mateo 9:35

Jare Jesús ojo opaete tëta guasu reta rupi jare iyɨvɨrigua tëta raɨ reta ñavo rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi

San Marcos 8:32

Kuae omombeu kavi chupe reta. Jayave Pedro güɨraja Jesús ïkotɨa ïru reta ipɨte güi, jare omboɨpɨ omboeta chupe.

San Lucas 21:37

Jare opa ara rupi Jesús oporomboe tupao pe. Ërei pɨ̈tu ma yave ojo joko güi opɨta ɨvɨtɨ Olivo pe.

San Lucas 4:15

Jare jae oporomboe judío reta itupao ñavo rupi jare opaete vae omboete.

San Juan 18:21

¿Maera pa reparandu cheve? Eparandu oyeapɨsaka cheré vae reta pe mbae ra jae chupe reta vae re. Jae reta oikuaa che jae vae.

San Juan 6:59

Kuaekuae jei Jesús judío reta itupao pe, Capernaum pe oporomboe yave.

San Juan 7:14

Jare arete mbɨte ma oyeapo yave, Jesús ojo tupao pe jare omboɨpɨ oporomboe.

San Juan 7:26

Ërei mase, ko oï kuae pe, imiari oï opaete vae jóvai. Ërei mbaetɨ kia mbae jei chupe. ¿Oikuaa ma ra yanderuvicha reta jae ko Cristo vae?

San Juan 7:28

Jáeramo Jesús oporomboe tupao pe oï yave, iñeeäta reve jei: —Pe reta chekuaa ko, jare peikuaa ko ketɨ güi ayu vae. Ërei mbaetɨ ko ayu cheyeugüi aeño. Echa chembou vae añetete vae ko, pe reta mbaetɨ peikuaa vae.

San Juan 7:4

Echa kia oipota oyekuaauka ïru vae reta pe vae yave, mbaetɨ oyapo vɨari iparavɨkɨ. Kuae reyapo vae, eyapo opaete vae reta jovake.

San Juan 8:2

Pɨareve pe ndeimboveasɨ Jesús ojo ye tupao pe. Jayave jeta vae yogüeru jae oïa pe, jare jae oguapɨ omboe reta oï.

San Juan 8:26

Jeta mbaembae re chepuere chemiari peré jare jeta mbae re chepuere pojäa. Ërei chembou vae añetete ko; jare amombeu ɨvɨ pegua reta pe chembou vae omombeu cheve vae.

Hechos 26:26

Ko oï mburuvicha guasu Agripa, jae oikuaa kavi kuae mbaembae regua, jáeramo chemiari jóvai aipoɨumbae reve. Aikuaa jae oikuaa katu kuae mbaembae regua. Echa kuae mbaetɨ ko oyeapo vɨari ketɨ.