San Juan 17:2 - Biblia Guarani Tumpa Iñee

² Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

Nuevo Testamento Guaraní Pe

² Echa nde cheapo ma opaete vae iYara, amee vaera tecove opa mbae vae opaete nde remee cheve vae reta pe —jei—.

San Juan 17:2 Iomraidhean Croise

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

San Juan 17:6

Amombeu ma nderegua kuae kuimbae reta nde remee cheve kuae oporogüɨroviambae vae reta ipɨte güi vae pe. Jae reta ndembae ko ërei remee cheve. Jae reta oyapo neñee jei vae.

San Juan 17:9

Ayerure ndeve jese reta. Mbaetɨ ayerure oporogüɨroviambae vae reta re. Ayerure ndeve nde remee cheve vae reta re. Echa jae reta ndembae ko.

San Juan 3:35

Tu oaɨu Taɨ, jare oñono opaete mbaembae ipo pe.

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:39

Jare cheRu chembou vae jemimbota ko jae, mbaetɨ vaerä amokañɨ metei ave jae omee cheve vae reta, jare amoingove ye vaerä omanogüe vae ara taɨkuegua pe.

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

1 Corintios 15:25

Echa oporookuai tai ko Cristo, opaete jovaicho reta opa regua oñono ipɨ igüɨ pe;

Efesios 1:20

Jókuae imbaepuere ko omoingove ye Cristo omanogüe reta ipɨte güi, jare omboguapɨ iyakatu kotɨ ara pe,

Filipenses 2:10

opaete ara pe ñogüɨnoi vae reta, jare opaete ɨvɨ pe ñogüɨnoi vae reta, jare opaete ɨvɨgüɨ pe ñogüɨnoi vae reta oyetavatɨka Jesús jee re,

1 Timoteo 1:16

Ërei kuae jeko pegua yandeYa cheparareko, oechauka vaerä cherupi opaete ipɨakavi, jökorai che ayu apɨta güɨroviata jese vae reta pe, tekove opambae vae güɨnoi vaerä vae reta pe.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

1 Juan 1:2

Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

1 Juan 2:25

Jare Jesucristo güɨrökuavee yandeve vae ko jae tekove opambae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Judas 1:21

Peiko avei Tumpa iporoaɨu pe. Peäro reve yandeYa Jesucristo iporoparareko rupi omee vaerä peve tekove opambae vae.