San Juan 17:19 - Biblia Guarani Tumpa Iñee

¹⁹ Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

Nuevo Testamento Guaraní Pe

¹⁹ Cuae reta jeco pegua añeñono tee ma ndeveguara, jae reta vi oñeñono tee vaera ndeveguara añete vae rupi —jei—.

San Juan 17:19 Iomraidhean Croise

ISAÍAS 62:1

Sión, nde roaɨu jeko pegua ngaraa chekïrii; Jerusalén nde roaɨu jeko pegua mbaetɨta aputuu, oyekuaa kavi regua jupi vae, köembipe jembipe oyekuaa rami, jare iporogüɨroasayepe mechero jendɨ omoembipe rami.

JEREMÍAS 1:5

“Ndei ndesɨ jɨe pe roapo mbove che rokuaa, jare ndei rea mbove che roñono tee; roñono ñeemombeuarä tëtaguasu reta peguarä.”

NÚMEROS 7:15

jare metei toro taɨrusu vae, metei vecha kuimbae, metei vecha kuimbae taɨrusu vae metei año vae, mɨmba oyeyuka opaetei oyeapɨ vaerä vae;

San Juan 10:36

Jayave, ¿maera pa pere cheve: “Nde rere ikavimbae vae Tumpa kotɨ”? Echa jae: “Che ko jae Tumpa Taɨ.” Echa jae ko cheñono tee jare chembou ɨvɨ pe.

San Juan 15:13

Mboroaɨu tuichagüe güɨnoi vae ko omee jekove ivɨa-ïru reta re.

San Juan 15:3

Pe reta peyetɨo ma ñee amombeu peve vae rupi.

San Juan 17:17

Eñono tee reta neñee añete vae rupi. Neñee ko jae añete vae.

San Juan 17:20

Kuae reta reñoä ayerure ndeve, ayerure ko ndeve kuae reta imiari vae rupi güɨroviata cheré vae reta re.

1 Corintios 1:2

romondo kuae tupapire oporogüɨrovia vae reta Tumpa imbae Corinto pe peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko.

2 Corintios 4:15

Opaete kuaekuae roiporara, ore poaɨu vae jeko pegua, Tumpa ipɨakavi oï vaerä jeta vae ndive. Jökorai jeta vae omeeta yasoropai Tumpa pe, jare oyemboeteukata.

2 Corintios 7:14

Echa chemiari kavi Tito pe peré vae re mbaetɨ chemara. Opaete roe peve vae añete ko. Jaeramiño vi Tito oikuaa ma añete ko jókuae che jae chupe peregua vae.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

1 Tesalonicenses 4:7

echa Tumpa mbaetɨ ko ñanereenɨi yaiko vaerä pɨ̈chɨi vae pe, ñanereenɨi ko yaiko tee vaerä chupeguarä.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 2:11

Jesús oporoñono tee vae jare oñeñono teeuka vae reta Tumpa imbae päve ko; jáeramo Jesús mbaetɨ imara jei “cherɨvɨ reta”,

Hebreos 9:13

Echa toro jugüɨ jare kavara kuimbae jugüɨ jare guaka itanimbugüe pe oñapiramo jókuae ikɨa Tumpa jóvai vae reta, oitɨo vaerä jete Tumpa peguarä.

Hebreos 9:18

Jáeramo oyeporu tugüɨ tenondegua morogüɨrökuavee päve oyeapo vaerä.

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

1 Juan 3:18

Cheraɨ aaɨu vae reta, agüɨye yayoaɨu ñaneñee peño ani yandeyuru peño, toyekuaa yayapo vae rupi jare añetete rupi.

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.