San Juan 17:17 - Biblia Guarani Tumpa Iñee

¹⁷ Eñono tee reta neñee añete vae rupi. Neñee ko jae añete vae.

Nuevo Testamento Guaraní Pe

¹⁷ Eñono tee reta ndeyeupeguara añete vae rupi. Neñee co jae añete vae —jei Jesús—.

San Juan 17:17 Iomraidhean Croise

2 SAMUEL 7:28

Nde cheYa Tumpa, nde ko Tumpa, neñee jupi ko, jare añave rerökuavee cheve mbae ikavi yae vae.

SALMOS 119:104

Ndeporookuai reta rupi chearakuaa katu yae, jáeramo, aröɨro opaete apu reta.

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

SALMOS 119:144

Ndeporookuai reta jupi avei ko, ¡arakuaa katu emee cheve, aikove aiko vaerä!

SALMOS 119:160

Neñee añetete vae katuai ko, jupi jare opambae ko opaete ndeporookuai reta.

SALMOS 119:9

¿Kërai pa taɨrusu vae ipuere oitɨo jeko? ¡Oiko yave neñee jeigüe rupi!

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

San Lucas 8:11

Kuae ko oipota jei ambojaanga reve chemiari vae: Temitɨ, oyembojaanga Tumpa iñee re.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

San Juan 15:3

Pe reta peyetɨo ma ñee amombeu peve vae rupi.

San Juan 17:19

Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

San Juan 8:32

Jare peikuaata añete vae, jare añete vae peyorata ko.

San Juan 8:40

Ërei añave peipota cheyuka, yepe tëi amombeu ma peve añete vae, Tumpa omombeu cheve vae. ¡Abraham mbaetɨ ko jökorai!

Hechos 15:9

Jare Tumpa mbaetɨ etei yandemboyoavɨ jae reta güi. Echa iporogüɨrovia reta rupi oitɨo ma ipɨa.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

Efesios 4:21

Añetete ko peendu jare peyemboe jesegua yave, kërai Jesús re ko oï añete vae.

Efesios 5:26

oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

2 Tesalonicenses 2:13

Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.

Santiago 1:21

Jáeramo peeya opaete pɨ̈chɨi vae jare opaete ikavimbae vae. Jare perovia peñemomichi reve ñee pepɨa pe oñeñono vae, echa jókuae ñee ko pemboasaukata.