San Juan 17:11 - Biblia Guarani Tumpa Iñee

¹¹ Jare mbaetɨta ma aï kuae ɨvɨ pe. Ërei jae reta opɨtañota kuae ɨvɨ pe. Che ajata ma ndépɨri. CheRu Tumpa iyoambae, kuae remee cheve vae reta, eñovatu nderee re; yogüɨreko vaerä metei ramiño, yande metei ramiño yaiko rami.

Nuevo Testamento Guaraní Pe

¹¹ Jare ngaraa ma aico cuae ɨvɨ pe. Erei jae reta opɨtañota cuae ɨvɨ pe. Che ajata ma ndepɨri. CheRu, nde co jae jupi vae. Cuae reta remee ma cheve. Emborɨ nembaepuere pe, agüɨye vaera oyerova ndegüi, jare yogüɨreco vaera metei ramiño. Echa jocorai ñande yaico metei ramiño —jei—.

San Juan 17:11 Iomraidhean Croise

SALMOS 79:9

CheRu Tumpa, orereroasayepe vae, nderee imboetea yae vae re oremborɨ; ¡orereepɨ jare neɨ̈ro oreve oreyoa re!

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 27:3

Che, peYa ko ayangareko avei jese, amboɨu avei ko, ayangareko ko jese ara pe jare pɨ̈tu rupi, agüɨye vaerä kia maratu oyapo.

ISAÍAS 64:2

tata jaku rai yae vae mbae omondɨkui vae rami, tata ombopupu ɨ vae rami. Jayave nderovaicho reta ndekuaata, jare tëtaguasu reta orɨrɨita nderóvai.

JEREMÍAS 14:21

¡Nderee reaɨu jeko pegua, agüɨye oremombo; agüɨye eröɨro tëta guasu ndeporookuaía mbaemboete pegua oïa! ¡Nemaendúa morogüɨrökuavee päve reyapo ore ndive vae re, agüɨye emboasaiño jökorai!

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

EZEQUIEL 20:22

Ërei ayembopɨaguasu cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:44

Israel iñemuña reta, kuae ayapota peve ayeaɨu ramo, mbaetɨ pereko kavimbae ani ikavimbae yae peyapo vae jeko pegua, jayave pe reta chekuaata che ko jae peYa Tumpa.’ ” Jei yandeYa Tumpa.

EZEQUIEL 20:9

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, jókuae yogüɨrekoa rupi, echa jae reta jovake ayekuaauka chupe reta jare arökuavee anoe reta vaerä Egipto güi.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

San Juan 13:1

Ndei arete Pascua mbove. Jesús oikuaa ara oväe ma oeya vaerä kuae ɨvɨ ojo ye vaerä Tu oïa pe. Jare kërai oaɨu imbae vae reta ɨvɨ pe ñogüɨnoi vae, jare oaɨu yae iyapɨ regua.

San Juan 14:20

Jókuae ara peikuaata ko che meteiño cheRu ndive, jare pe reta meteiño che ndive vae, jare che meteiño pe ndive.

San Juan 16:28

Ayu ko cheRu güi kuae ɨvɨ pe. Aja yeta ko kuae ɨvɨ güi cheRu oïa pe.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

San Juan 17:25

CheRu jupi vae, oporogüɨroviambae vae reta mbaetɨ ndekuaa. Ërei che rokuaa, jare kuae reta oikuaa nde ko chembou vae.

San Juan 17:6

Amombeu ma nderegua kuae kuimbae reta nde remee cheve kuae oporogüɨroviambae vae reta ipɨte güi vae pe. Jae reta ndembae ko ërei remee cheve. Jae reta oyapo neñee jei vae.

San Juan 7:33

Jayave Jesús jei: —Aïta pe reta ndive michi peguaño ma. Jare ajata chembou vae pɨri.

Hechos 3:21

Ërei jae opɨta vɨterita ara pe opaete mbaembae oyeapo kavi regua. Jókuae mbaembae re Tumpa imiari arakae güive ñeemombeúa reta oñono tee vae rupi vae.

Romanos 12:5

jökorai ko yande, yepe tëi jeta yae, ërei yayeapo ma metei jeteño Cristo re, jare opaete vae ñaï metei ramiño ïru reta ndive.

Romanos 9:17

Echa Tumpa Iñee jei Faraón pe: “Kuaerä etei che roparavo mburuvicha guasurä, aechauka vaerä nderé chembaepuere, oñemoërakua vaerä cheree opaete ɨvɨ rupi.”

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Efesios 4:4

metei jeteño, jare metei Espíritu, Tumpa pereenɨi peporoäro vaerä metei ramiño;

Filipenses 2:9

Jáeramo, Tumpa ombotuicha yae opaete güi, jare omee chupe tee tuichagüe yae opaete ïru tee reta güi vae,

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 19:12

Jesa tata jendɨ vae rami ko, jare iñäka re güɨnoi jeta äka-regua reta. Jare oyekuatía oï jese metei tee, mbaetɨ kia oikuaa vae, jaeño etei oikuaa.

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”