San Juan 16:27 - Biblia Guarani Tumpa Iñee

²⁷ echa cheRu etei peraɨu, pe reta cheraɨu jare perovia che ayu Tumpa güi ramo.

Nuevo Testamento Guaraní Pe

²⁷ Echa cheRu etei peraɨu, pe reta cheraɨu jare perovia che ayu cheRu güi rambue —jei—.

San Juan 16:27 Iomraidhean Croise

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 16:30

Añave roikuaa nde reikuaa ko opaete mbaembae vae, jare mbaetɨ reeka kia oparandu vaerä ndeve mbae re. Kuae jeko pegua rogüɨrovia nde reyu ko Tumpa güi vae.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

San Juan 2:11

Jesús kuae oyapo Caná, Galilea pegua pe. Körai jae omboɨpɨ oechauka iyemboetea. Jare jemimboe reta güɨrovia jese.

San Juan 3:13

Mbaetɨ kia ave ojo ara pe, jaeño ara güi ogüeyɨ vae, jae ko che Kuimbaerä ayeapo vae.

San Juan 7:29

Ërei che aikuaa. Echa chugüi ko ayu. Jae ko chembou.

San Juan 8:42

Jayave Jesús jei chupe reta: —Tumpa ko jae peRu yave mona, pe reta cheraɨuta tëi ko. Echa che Tumpa güi ko ayu. Mbaetɨ ko ayu cheyeugüi aeño, jae ko chembou.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

2 Corintios 5:14

Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

1 Timoteo 1:15

Kuae ko jae ñee añete vae jare jupi ko opaete vae güɨrovia vaerä: Kërai Cristo Jesús ou kuae ɨvɨ pe omboasa vaerä iyoa vae reta, jare che ko jae iyoa vae reta güi iyoa yae ye vae.

Hebreos 12:6

Echa ndeYa, oaɨu vae ombosɨmbi ko; oinupa vi taɨrä oyapo vae.”

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

1 Juan 4:19

Yande yaaɨu Tumpa, echa jae räri yanderaɨu.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.