San Juan 15:7 - Biblia Guarani Tumpa Iñee

⁷ Peï yave cheré, jare peyapo che jae peve vae yave, peiporu peipota vae jare oyeapota ko peve.

Nuevo Testamento Guaraní Pe

⁷ Peico yave cheré perovia reve, jare peyapo yave che jae peve peyapo vaera vae, pepuereta peyerure peipota vae re jare penoita co —jei—.

San Juan 15:7 Iomraidhean Croise

1 REYES 3:5

Jare metei pɨ̈tu Salomón ipaɨu pe yandeYa oyekuaa chupe Gabaón pe, jei chupe: “Eiporu cheve nde reipota vae, tamee ndeve.”

JOB 22:26

Echa jayave reyekouta Imbaepuere yae ete vae re, jare ndepuereta nderovaɨva Tumpa kotɨ.

JOB 23:12

Mbaetɨ apia jae iporookuai güi, ambotenonde iñee, tembíu güi.

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

SALMOS 37:4

Eyerovia katu vi yandeYa re, jare jae omeeta ndeve ndepɨa reve reiporu vae.

PROVERBIOS 10:24

Iyoa vae okɨɨye yae chugüi vae etei outa chupe, ërei jupi vae pe oyembopo ipɨa jemimbota.

PROVERBIOS 4:4

jare cheru chemboe yepi körai: “Eñovatu ndepɨa pe cheñee reta; eyapo cheporookuai reta jare reikoveta reiko.

ISAÍAS 58:8

Jayave, reyekuaata tembipe omboesape köembipe yave vae rami, jare ndepere okuerata jarembae pegua, jupi vae oikota nde ndive, ndeYa Tumpa oikota nderaɨkue ndeangareko vaerä.

JEREMÍAS 15:16

Nde chemomiari yave che amboresive, aipɨɨ kavi cheyeupe neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa Imbaepuere yae ete vae.

San Mateo 7:7

Peiporu mbae Tumpa pe, jare jae omeeta peve. Peeka, jare peväeta. Pembopu öke, jare öke oyepeata peve.

San Juan 14:13

Opaete mbae re peyerure cheRu pe cheree re yave, che ayapota ko, cheRu oyemboeteuka vaerä cherupi.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 16:23

Jókuae ara ngaraa ma peparandu cheve mbae re. Añetete che jae peve, oipotagüe mbae peiporu cheRu pe vae, jae omeeta peve.

San Juan 8:31

Jayave Jesús jei jókuae judío güɨrovia jese vae reta pe: —Pe reta peiko avei yave che jae peve peyapo vaerä vae rupi, peikota ko cheremimboe retarä añetete pegua.

San Juan 8:37

Che aikuaa Abraham iñemuña reta ko pe reta. Ërei peipota cheyuka, peipotaä peyapo che jae peve peyapo vaerä vae ramo.

Gálatas 4:2

Echa imboea reta jare iyangarekoa reta güɨnoi mbaepuere jese, oupitɨ regua iaño tu jei chupe rami.

Gálatas 5:16

Jáeramo che jae peve kuae: Peiko Espíritu Santo jeia re, agüɨye peiko pesoo jemimbota reño.

DEUTERONOMIO 6:6

Kuae ñee reta che poyókuai añave vae, toï pepɨa pe;

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

1 Juan 2:14

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve, echa pepɨ̈rata, jare Tumpa iñee oiko peré jare pemoamɨri aña guasu.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.

1 Juan 3:22

oipotagüe mbae yaiporu chupe vae jae omeeta yandeve, yayapo iporookuai reta jare mbaembae omboyerovia vae ramo.

1 Juan 5:14

Jare yandepuere yarovia katu Tumpa, echa yaikuaa Tumpa oendu ko yandeve yayerure yave chupe jae jemimbota rupi mbae re.