San Juan 15:24 - Biblia Guarani Tumpa Iñee

²⁴ Mbaetɨ yave mona mbae ayapo ipɨte reta pe mbaetɨi kia oyapo vae, ngaraa tëi teko güɨnoi reta. Ërei jae reta oecha tëi reve chemotareɨ reta jare cheRu oremotareɨ vi.

Nuevo Testamento Guaraní Pe

²⁴ Mbaeti yave mona ayapo ipɨte pe mbaravɨquɨ mbaeti quia ye oyapo vae reta, ngaraa tei güɨnoi teco. Erei jae reta cherecha ma - jae co cheRu oecha rami - jare oremotareɨ —jei—.

San Juan 15:24 Iomraidhean Croise

SALMOS 81:15

YandeYa imotareɨa reta opata tëi ko iñamɨri, jökoraita tëi opɨta reta jekuae avei pegua.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 21:32

Echa Juan ou oikuaauka peve jupi vae regua, ërei pe reta mbaetɨ perovia. Ërei mburuvicha peguarä okovara vae reta jare kuña iyaguasa pota vae reta güɨrovia jese. Jare yepe tëi kuae peecha, ërei mbaetɨ peeya peyemongeta ikavimbae vae pepɨa pe oï vae, perovia vaerä Juan.

San Mateo 9:33

Jare Jesús ombosɨrɨ aña chugüi rupive, iupa vae omboɨpɨ imiari. Jare jeta vae reta ipɨakañɨ reve jei: —Mbaetɨi oyeecha kuae nunga Israel pe.

San Marcos 2:12

Jayave kuimbae opüa jupivei, ovoɨ jupa jare oë ojo opaete joko pe ñogüɨnoi vae reta jovake. Jare opaete vae ipɨakañɨ jare omboete reta Tumpa jei reve: —Mbaetɨi yaecha kuae nunga.

San Lucas 24:19

Jayave jae jei chupe reta: —¿Mbae pa? Jare jae reta jei chupe: —Jesús Nazaret-ɨgua pe oyeapo vae. Jae ko metei ñeemombeúa, imbaepuere yae mbae oyapo vaerä jare ñee pe Tumpa jóvai jare opaete vae reta jóvai.

San Juan 10:32

Jayave Jesús jei chupe reta: —Ayapo ma jeta mbae ikavigüe peróvai cheRu imbaepuere rupi. ¿Mbae nunga vae re pa peipota cheyuka ita pe?

San Juan 10:37

Mbaetɨ ayapo cheRu iparavɨkɨ yave, agüɨye chererovia.

San Juan 12:10

Jayave sacerdote reta itenondegua reta oyemongeta vi kërai oyuka vaerä Lázaro.

San Juan 12:45

Chereecha vae, oecha vi chembou vae.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

San Juan 15:22

Mbaetɨ yave mona ayu chemiari vaerä chupe reta, ngaraa tëi teko güɨnoi reta. Jáeramo jei rapeä mbaetɨ ko oikuaa reta iyoa re vae.

San Juan 15:23

Chemotareɨ vae, omotareɨ ko cheRu.

San Juan 16:9

Mbaeyoa regua, echa mbaetɨ güɨrovia reta cheré.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 5:36

Ërei che oime anoi imiari cheré vae, oasa yé chemombeu Juan imiari cheré vae güi. CheRu oipota opa ayapo vaerä mbaravɨkɨ omee cheve vae, jókuae ko oechauka cheRu ko chembou vae.

San Juan 6:36

Ërei che jae ma peve körai: Mbaetɨ perovia, yepe tëi chereecha ma.

San Juan 7:31

Jare joko pe ñogüɨnoi vae güi jeta güɨrovia jese vae, echa jei reta: —Cristo ou yave, ¿oyapota ra jeta yae ete mɨakañɨ kuae kuimbae oyapo vae güi?

San Juan 9:32

Iyɨpɨ güive mbaetɨi oyeendu kia ipuere ombogüera jesambae oa ichɨ güi vae.

San Juan 9:41

Jesús jei chupe reta: —Peresaä yave, ngaraa tëi peyoa. Ërei pere: “Romae.” Jáeramo peyoa oimeño penoi.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Romanos 1:30

mboroangao pe, yepopeyuse pe, omotareɨ reta Tumpa, mboroyóyai yóyai pe, pɨapochɨ pe, pɨayemboete pe, ipoki yae oyapo reta vaerä ikavimbae vae pe, tu jare ichɨ jeigüe oyapombae vae pe.

DEUTERONOMIO 5:9

Agüɨye peyetavatɨka jóvai, agüɨye vi pemboete, echa che ko jae peYa Tumpa jägüɨro vae, aiporarauka peñemuñagüe reta pe iyoa re vae, taɨ reta, jɨmɨmino reta pe jare taɨ jɨmɨmino reta pe, chemotareɨ vae reta pe,

2 Timoteo 3:4

ombotavɨ japicha reta, oyapota mbaembae ipɨa pe oyemongetambae reve vae, ipɨaño omboete vae reta, ipɨa jemimbotaño oaɨu reta Tumpa güi vae,

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.