San Juan 14:6 - Biblia Guarani Tumpa Iñee

⁶ Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

Nuevo Testamento Guaraní Pe

⁶ —Che co jae tape —jei Jesús—. Che co jae añete vae re imiari vae. Che co jae tecove opa mbae vae omee vae. Mbaeti quia ipuere oñemoiru cheRu ndive jaeño che rupi —jei—.

San Juan 14:6 Iomraidhean Croise

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 1:4

Jese ko oï tekove, jare jókuae tekove jae ko tembipe ɨvɨ pegua reta pe.

San Juan 10:28

Jare amee chupe reta tekove opambae vae, jare ngaraa etei omano reta. Ngaraa kia ipuere opɨ̈ro chegüi.

San Juan 10:7

Jesús jei chupe reta: “Añetete che jae peve, che ko jae vecharókai jöke rami.

San Juan 10:9

Che ko jae öke. Che rupi oike vae oyemboasaukata ko. Oiketa jare oëta jare oväeta mbae jou vaerä.

San Juan 14:19

Michi peguaño ma ɨvɨ pegua reta chereechata. Ngaraa ma chereecha ye. Ërei pe reta chereecha yeta. Che aikove ramo, pe reta peikoveta vi.

San Juan 15:1

Che ko jae uva iɨ añetete vae, jare cheRu ko jae uva iyangarekoa.

San Juan 18:37

Jayave Pilato jei chupe: —¿Jayave, nde pa ko jae mburuvicha guasu? Jesús jei chupe: —Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 6:33

Echa mbɨyape Tumpa omee vae, jae ko jókuae ara güi ou vae. Jae omee tekove ɨvɨ pegua reta pe.

San Juan 6:51

Che ko jae mbɨyape oikove vae ara güi ogüeyɨ vae. Kia nunga jou kuae mbɨyape vae oikoveta jekuae avei pegua. Jare jókuae mbɨyape ameeta vae cherete ko, jae ameeta ɨvɨ pegua reta jekove re vae.

San Juan 6:57

CheRu oikove vae ko chembou, jare che aikove jese. Jökoraiño vi jókuae cherete jou vae oikoveta cherupi.

San Juan 6:68

Jare Simón Pedro jei chupe: —OreYa, ¿kia re pa rojota royemboya? Ndeño ko renoi ñee tekove opambae vae pegua.

San Juan 8:32

Jare peikuaata añete vae, jare añete vae peyorata ko.

San Juan 8:51

Añetete che jae peve, che jae vae oyapo vae, ngaraa omano.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

Hechos 9:2

Jare oyerure chupe omee vaerä chupe tupapire mbaepuere pegua, ojo vaerä Damasco pegua judío reta itupao reta rupi, jare oväe yave joko pe kuimbae reta ani kuña reta Tape pɨau pegua reta, ipuere vaerä oipokua güeru Jerusalén pe.

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Romanos 5:2

jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

Romanos 5:21

Mbaeyoa güɨnoi mbaepuere opaete vae re mano peguarä, jökorai Tumpa ipɨakavi güɨnoi mbaepuere yanderé yandembojupi vaerä, tekove opambae vae peguarä yandeYa Jesucristo rupi.

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

Efesios 2:18

Echa Cristo rupi mókoi reve yandepuere yaya yandeRu re Espíritu Santo rupi.

Colosenses 2:17

Opaete kuae reta ko outa vae re oyembojaanga vaeño, echa Cristo ko jae añetete vae.

Colosenses 2:9

Echa Cristo re ko oï opaete Tumpa imbaepuere,

Colosenses 3:4

Cristo ko perekove. Cristo oyekuaa ye yave, pereta vi peyekuaata jae ndive mbaemboetea reve.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Hebreos 9:8

Jökorai Espíritu Santo oikuaauka ndeiño oyepea opaete vae pe cuarto Oñeñono tee kavi yae vae, oimeño vɨteri ramboeve tupao guakapi pegua.

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Juan 1:8

Yae yave mbaetɨ ko yandeyoa, yayembotavɨ ko yande aeño. Mbaetɨ etei ko oï yanderé añete vae.

1 Juan 2:23

Oime yave kia mbaetɨ güɨrovia Tumpa Taɨ re vae, mbaetɨ ko güɨrovia yandeRu Tumpa. Ërei güɨrovia Tumpa Taɨ re vae, güɨrovia vi ko yandeRu Tumpa re.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

1 Juan 5:6

Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: