San Juan 14:27 - Biblia Guarani Tumpa Iñee

²⁷ Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

Nuevo Testamento Guaraní Pe

²⁷ Mbɨacatu aeya pe ndive. Mbɨacatu che anoi vae amee peve. Ɨvɨ pegua reta mbaeti ipuere omee peve che amee peve vae nunga mbɨacatu. Agüɨye pepɨatɨtɨ. Agüɨye pequɨye —jei—.

San Juan 14:27 Iomraidhean Croise

2 CRÓNICAS 20:30

Jare jökorai Josafat oiko mburuvicha guasurä yave oime mbɨakatu, echa iTumpa omee chupe güɨnoi vaerä mbɨakatu opaete tëta iyɨvɨrigua reta ndive.

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

SALMOS 11:1

CheYa reño ko ayeko, jayave mbaetɨ jupi jei vaerä chekotɨ vae: “Totekuarai ɨvɨtɨ kotɨ güɨra rami.”

SALMOS 112:7

Ngaraa okɨɨye mbae ikavimbae reta jërakua vae güi. Ipɨakatu oï, oyeko yandeYa reño.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 28:3

Agüɨye chereraja jeko pɨ̈chɨi vae reta ndive, jupimbae vae reta ndive, jae reta imiari mbɨakatu re japicha pe, ërei ipɨa reta pe oï ikavimbae.

SALMOS 29:11

YandeYa omeeta mbaepuere imbae vae reta pe; yandeYa omeeta mbɨakatu pegua mborerekua imbae vae reta pe.

SALMOS 56:11

Ayeko nderé, ngaraa akɨɨye. ¿Mbae pa ipuereta oyapo cheve kuimbae?

SALMOS 56:3

Akɨɨye yae yave, ayeko ndereño.

SALMOS 72:2

oporookuai vaerä tëta ndembae vae re jupi rupi, jare oiporara vae reta re isɨmbi rupi,

SALMOS 72:7

¡Toporookuai jupi rupi, mbɨakatu toime jókuae ara rupi, mbaetɨ ma yasɨ regua!

SALMOS 85:10

Mboroparareko jare añete vae oñoväe, mbɨakatu jare jupi vae oñoküava,

SALMOS 91:5

Agüɨye eyemongɨɨyeuka mbaɨupochɨ pe, ani ara pe uvɨ ɨvate rupi ou vae güi.

PROVERBIOS 3:25

Ngaraa rekɨɨye mbaesusere güɨramoi peguaño oime vae güi, ani iyoa vae reta re mbaesusere ou yave vae güi ave,

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 55:12

Echa peyerovia katu reve kavi peëta, jare mbɨakatu ndive peyerova yeta; ɨvɨtɨ guasu reta jare ɨvɨtɨ reta otairarita perenonde, jare opaete ɨvɨra reta ñana rupigua oyepopeteta.

ISAÍAS 57:19

jare jaeta opaete vae pe: ‘¡Mbɨakatu toime mombɨrɨ ñogüɨnoi vae pe jare mbɨakatu toime köiño ñogüɨnoi vae pe! Che aipoanota tëta chembae vae reta.’

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

LAMENTACIONES 3:17

Oyembosɨrɨ chegüi mbɨakatu, cheakañɨ ma aiko kavise vae güi.

EZEQUIEL 2:6

Nde kuimbae, agüɨye eipoɨu chugüi reta ani ekɨɨye iñee reta güi, yepe tëi reï ñairaka ani ñurati pɨte pe rami, ani reiko tumɨkarape oporoöpi vae ipɨte pe rami. Agüɨye ekɨɨye iñee reta güi ani taneiämondo reta, echa ipɨapochɨ vae reta ko.

DANIEL 4:1

“Che Nabucodonosor, mburuvicha guasu opaete tëta re, tëtaguasu reta re, jare opaete ïru ñee pe imiari vae reta, ɨvɨ pe yogüɨreko vae reta re vae jae: Mbɨakatu toñemoïru peve.

DANIEL 6:25

Jayave mburuvicha guasu Darío oikuatía opaete vae tëta reta pe jare tëtaguasu reta pe jare ïru ñee pe imiari vae reta opaete ɨvɨ rupi ñogüɨnoi vae reta pe; oikuatía körai: “Mbɨakatu toñemoïru avei peve.

ZACARÍAS 6:13

Jae omopüa pɨau yeta yandeYa itupao, jare jae imboetea yaeta, oguapɨta guapɨa mborookuaía pegua pe oporookuai, jare oimeta sacerdote iyɨke pe; oimeta yomboarakuaa mbɨakatu pegua oyoupii.

NÚMEROS 6:26

YandeYa tanderaɨu tomae nderé jare tomee mbɨakatu ndeve.’

San Mateo 10:26

Jáeramo, agüɨye pekɨɨye chugüi reta. Echa, oyekuaa ñotai ko oñeomi vae. Jare yaikuaa ñotai ko oyekuaambae.

San Lucas 1:79

omoembɨpe vaerä pɨtumimbi rupi jare ñamano rape katu vae rupi yogüɨreko vae reta pe, Jae yandemborɨ vaerä yaguata tape mbɨakatu pegua rupi.”

San Lucas 10:5

Jare peo peväe yave oipota rupi metei o pe, tenonde pere: ‘Toï mbɨakatu kuae o pe.’

San Lucas 12:4

Jare che jae peve, chevɨa-ïru reta, agüɨye pekɨɨye pereteño ipuere oyuka vae reta güi. Echa jaɨkue rupi, ngaraa ye ma mbae ipuere oyapo peve.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Juan 14:1

Agüɨye peyembopɨajopa. Perovia Tumpa re, perovia vi cheré.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 20:19

Jare jókuae pɨ̈tu voi tenondegua ara semana iyɨpɨ pe, Jesús jemimboe reta oyemboatɨ jare oyokenda jöke reta, okɨɨye reta judío reta güi jeko pegua. Jayave ou Jesús oyemboɨ ipɨte pe, jare jei chupe reta: —Mbɨakatu toï pe ndive.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 20:26

Juri ara ma oasa yave, temimboe reta ñogüɨnoi ye jókuae o pe. Tomás joko pe oï vi. Yepe tëi öke reta oyeokenda ñogüɨnoi, ërei Jesús ou oyemboɨ ipɨte pe jare jei chupe reta: —Mbɨakatu toï pe ndive.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 18:9

Jare yandeYa jei Pablo pe pɨ̈tu yave ike pe: “Agüɨye ekɨɨye. Nemiari jare agüɨye nekïrii.

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Romanos 5:10

Echa yepe tëi yande yayovaichose Tumpa ndive, ërei oyapo yembopɨakatu yandeve Taɨ imano rupi. Vɨtei pa yandembopɨakatu ma yave, yandemboasata Taɨ oikove ye vae rupi.

Romanos 8:6

Echa isoo jemimbota reño oyemoambeko vae, mano ko. Ërei Espíritu Santo jei vae re oyemoambeko vae, tekove jare mbɨakatu ko.

1 Corintios 1:3

YandeRu Tumpa jare yandeYa Jesucristo ipɨakavi jare ipɨakatu toï pe ndive.

Gálatas 1:3

YandeRu Tumpa jare yandeYa Jesucristo ipɨakavi jare ipɨakatu toï pe ndive.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Gálatas 6:16

Jare opaete kuae tekove ipɨau vae re yogüɨreko vae ndive toï Tumpa ipɨakatu jare iporoparareko, jare opaete Israel pegua reta Tumpa imbae vae ndive.

Filipenses 4:7

Jare Tumpa omeeta peve ipɨakatu yandepuereä etei yaikuaa vae; jókuae mbɨakatu oñovatuta pepɨa jare peyemongeta Cristo Jesús re.

Colosenses 1:2

roikuatía peve kuae tupapire cherɨvɨ reta Colosas pe peiko vae pe. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

2 Tesalonicenses 1:2

YandeRu Tumpa jare yandeYa Jesucristo ipɨakavi jare ipɨakatu toï pe ndive.

2 Tesalonicenses 3:16

Jare yandeYa oporombopɨakatu vae temee avei peve mbɨakatu. YandeYa toï opaete pe ndive.

2 Timoteo 1:7

Echa Tumpa mbaetɨ ko omee yandeve espíritu kɨɨye pegua, omee ko yandeve mbaepuere pegua, mboroaɨu pegua jare yayopia vaerä yanderete oipota vae.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 7:2

Jayave Abraham omee Melquisedec pe payandepo güi metei opaete güɨnoi vae güi. Tee Melquisedec oipota jei: “Mburuvicha guasu jupi vae”. Kuae Melquisedec ko jae Salem pegua mburuvicha guasu, jare kuae oipota jei: “Mburuvicha guasu mbɨakatu pegua.”

Apocalipsis 1:4

Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.