San Juan 14:23 - Biblia Guarani Tumpa Iñee

²³ Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

Nuevo Testamento Guaraní Pe

²³ —Cheraɨu vae oyapota che jae chupe oyapo vaera vae —jei Jesús—. Jare cheRu oaɨuta. Jare royuta roico vaera jae ndive —jei—.

San Juan 14:23 Iomraidhean Croise

GÉNESIS 1:26

Jayave Tumpa jei: “Yayapo kuimbae yande rami, togüɨnoi mbaepuere jevae reta ɨguasu rupigua re, güɨra reta re, mbaemɨmba reta ɨvɨ pegua re, jare opaete mɨmba reta ipɨtía re oguata vae re.”

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

SALMOS 90:1

OreYa, nde reiko oreve oreñepɨ̈rokarä, jekuae kuae avei rupi.

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

San Juan 10:30

CheRu jare che meteiño ko.

San Juan 14:15

Cheraɨu yave, peyapo cheporookuai reta.

San Juan 14:17

Jae ko Espíritu añetete pegua. Oporogüɨroviambae vae reta ngaraa ipuere omboresive. Echa mbaetɨ oecha ani oikuaa. Ërei pe reta peikuaa. Echa jae oime oï pe ndive jare oikota pepɨa pe.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

San Juan 14:24

Mbaetɨ cheraɨu vae, mbaetɨ oyapo che jae vae. Jare cheñee peendu vae chembaeä ko, cheRu chembou vae iñee ko.

San Juan 15:10

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

San Juan 16:27

echa cheRu etei peraɨu, pe reta cheraɨu jare perovia che ayu Tumpa güi ramo.

San Juan 6:56

Cherete jare cherugüɨ jou vae oiko che ndive jare che aiko jae ndive.

San Juan 8:51

Añetete che jae peve, che jae vae oyapo vae, ngaraa omano.

San Juan 8:52

Jayave judío reta jei Jesús pe: —Añave roikuaa kavi ma aña ko oya nderé vae. Abraham jare ñeemombeúa reta opa omano. Ërei nde rere: “Che jae vae oyapo vae ngaraa omano.”

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

1 Juan 2:24

Iyɨpɨ güive peendu vae, peñovatu pepɨa pe. Echa jökorai yave, peiko aveita Tumpa Taɨ re jare yandeRu Tumpa re.

1 Juan 2:5

Ërei Jesucristo jei vae oyapo vae Tumpa iporoaɨu okuakuaa ko jese. Jókuae rupi yaikuaa yande ko ñaï jese.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:3

Echa yaaɨu yave Tumpa, yayapo iporookuai reta; jare mbaetɨ ko yavai yayapo vaerä iporookuai reta.

2 Juan 1:6

Jare mborookuai jae ko, yaiko vaerä Tumpa iporookuai jei rami. Mborookuai jae ko, yaiko vaerä mboroaɨu rupi, iyɨpɨ güive peendu rami.

Apocalipsis 21:22

Jókuae tëta guasu pe mbaetɨ etei aecha tupao. Echa yandeYa Tumpa Imbaepuere yae vae jare Vecha kuimbae taɨrusu vae jae reta etei joko pe tupao.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.

Apocalipsis 22:3

Jare ngaraa ye ma oime yepopeyu. Echa Tumpa jare Vecha kuimbae taɨrusu vae iguapɨa oïta joko pe, jare jembiokuai reta oyeokuaita chupe.