San Juan 14:19 - Biblia Guarani Tumpa Iñee

¹⁹ Michi peguaño ma ɨvɨ pegua reta chereechata. Ngaraa ma chereecha ye. Ërei pe reta chereecha yeta. Che aikove ramo, pe reta peikoveta vi.

Nuevo Testamento Guaraní Pe

¹⁹ Michi peguaño ma ɨvɨ pegua reta cherechata. Ngaraa ma cherecha ye. Erei pe reta cherecha yeta. Che jecuaeño aico rambue, pe reta peicota vi —jei chupe reta—.

San Juan 14:19 Iomraidhean Croise

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 13:33

Cheraɨ michi reta, michi peguaño ma aïta pe ndive. Jayave chereeka tëita, ërei pe reta ngaraa pepuere peo che ajataa pe. Echa körai jae judío reta pe, jare añave jae vi peve.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 16:16

Michi peguaño ma pe reta chereechata. Ërei ɨmambae chereecha yeta. Echa ajata cheRu oïa pe.

San Juan 16:22

Jaeramiño vi pe reta añave pepɨatɨtɨ, ërei poecha yeta, jare peyeroviata, jare ngaraa kia oekɨ pegüi peyerovia.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

San Juan 7:33

Jayave Jesús jei: —Aïta pe reta ndive michi peguaño ma. Jare ajata chembou vae pɨri.

San Juan 8:21

Jare Jesús jei ye chupe reta: —Ajata ma kuae güi. Pe reta chereeka tëita ko, ërei pemanota peyoa pe. Pe reta ngaraa pepuere peo che ajataa pe.

Hechos 10:41

mbaetɨ omboyekuaauka opaete vae pe, jaeño oreve. Echa tenonde voi ma Tumpa oreparavo romombeu vaerä ïru vae reta pe. Ore rokaru jare ɨ rou jae ndive, oikove ye güire vae reta.

Romanos 5:10

Echa yepe tëi yande yayovaichose Tumpa ndive, ërei oyapo yembopɨakatu yandeve Taɨ imano rupi. Vɨtei pa yandembopɨakatu ma yave, yandemboasata Taɨ oikove ye vae rupi.

Romanos 8:34

¿Kia pa ko jae oporojäata vae? Cristo ko omano jare oikove ye vae, jare oime oï Tumpa iyakatu kotɨ vae. Jae etei oyerure Tumpa pe yanderé vae.

1 Corintios 15:20

Ërei Cristo oikove ye ko omanogüe reta ipɨte güi. Jae ko tenonde ete oikove ye omanogüe reta ipɨte güi vae.

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.