San Juan 14:10 - Biblia Guarani Tumpa Iñee

¹⁰ ¿Mbaetɨ pa perovia che meteiño cheRu ndive, jare cheRu meteiño che ndive vae? Ñee reta amombeu peve vae cheyeugüi aeñoä ko jae. CheRu oï cheré vae ko oyapo mbaravɨkɨ reta.

Nuevo Testamento Guaraní Pe

¹⁰ ¿Mbaeti pa perovia che aico cheRu ndive jare cheRu oico che ndive? Ñee amombeu peve vae mbaeti chembae aeño. Echa cheRu oico che ndive, jare jae oyapo mbaravɨquɨ reta —jei Jesús—.

San Juan 14:10 Iomraidhean Croise

San Juan 10:30

CheRu jare che meteiño ko.

San Juan 10:38

Ërei ayapo ko cheRu iparavɨkɨ yave, yepe tëi mbaetɨ chererovia, ërei perovia ayapogüe reta re, peikuaa vaerä cheRu oï ko che ndive jare che aï ko jae ndive.

San Juan 11:26

Jare opaete oikove vɨteri vae cheré güɨrovia vae, ngaraa etei omano. ¿Rerovia pa kuae?

San Juan 12:49

Echa mbaetɨ chemiari cheyeugüi aeño, cheRu chembou vae ko cheokuai mbae jae vaerä jare kërai chemiari vaerä.

San Juan 14:11

Perovia che meteiño ko cheRu ndive, jare cheRu meteiño che ndive. Ërei yepe tëi mbaetɨ chererovia, chererovia ayapogüe reta re.

San Juan 14:20

Jókuae ara peikuaata ko che meteiño cheRu ndive, jare pe reta meteiño che ndive vae, jare che meteiño pe ndive.

San Juan 14:24

Mbaetɨ cheraɨu vae, mbaetɨ oyapo che jae vae. Jare cheñee peendu vae chembaeä ko, cheRu chembou vae iñee ko.

San Juan 17:8

Echa che amombeu ma chupe reta ñee nde remee cheve vae, jare jae reta güɨrovia neñee. Oikuaa kavi che ayu ko ndegüi. Güɨrovia reta ma nde ko chembou vae.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 5:17

Ërei Jesús jei chupe reta: —CheRu mbaetɨ ko opoi iparavɨkɨ güi, jare che vi aparavɨkɨ.

San Juan 5:19

Jayave Jesús jei chupe reta: “Añetete che jae peve, Tumpa Taɨ mbaetɨ iyeugüi aeño oyapo mbae. Oyapo ko jókuae oecha Tu oyapo oï vaeño. Echa opaete Tu oyapo vae Taɨ oyapo vi.

San Juan 7:16

Jayave Jesús jei chupe reta: —Cheporomboe chembaeä ko. Chembou vae iporomboe ko.

San Juan 8:28

Jesús jei chupe reta: —Che Kuimbaerä ayeapo vae pe reta chereupi ma kurusu re yave, chekuaata CHE KO vae. Jare mbaetɨ mbae ayapo cheyeugüi aeño vae, jaeño cheRu chemboe vae rupiño chemiari.

San Juan 8:38

Che chemiari peve cheRu oechauka cheve vae, ërei pe reta peyapo peru omombeu peve peyapo vaerä vae rupi.

San Juan 8:40

Ërei añave peipota cheyuka, yepe tëi amombeu ma peve añete vae, Tumpa omombeu cheve vae. ¡Abraham mbaetɨ ko jökorai!

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

Colosenses 1:19

Echa yandeRu oipota vae ko jae, oï vaerä opaete mbaepuere Cristo re;

Colosenses 2:9

Echa Cristo re ko oï opaete Tumpa imbaepuere,

1 Juan 5:7

Oime ko mboapɨ ara pe omombeu kuae regua vae, jae ko: YandeRu, Ñee jare Espíritu Santo. Kuae mboapɨ reta meteiño ko.