San Juan 13:34 - Biblia Guarani Tumpa Iñee

³⁴ Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami.

Nuevo Testamento Guaraní Pe

³⁴ Amee peve metei mboroócuai ipɨau vae. Peyoaɨu. Peyoaɨu che poaɨu rami —jei Jesús chupe reta—.

San Juan 13:34 Iomraidhean Croise

SALMOS 119:63

Oipoɨu ndegüi vae reta jare opaete jókuae ndeporookuai oyapo katu vae reta iñeïru ko che.

SALMOS 16:3

Tumpa-raanga reta imbaepuere ko, jese güɨrovia vae reta peguarä.

LEVÍTICO 19:18

Agüɨye peyepɨse, agüɨye peñovatu pepɨa pe ikavimbae perëtaɨgua kotɨ. Peaɨu perapicha pe peyeaɨu rami. Che ko peYa.

LEVÍTICO 19:34

Pemae kavi jese reta, pe pemae oyoe rami; peaɨu, pe reta peyeaɨu rami; echa pe reta ketɨgua peikose yepi ɨvɨ Egipto pe. Che ko peYa Tumpa.

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Juan 15:17

Kuae jae poyókuai vae: ¡Peyoaɨu!

San Juan 17:21

Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

Romanos 13:10

Echa mboroaɨu güɨnoi vae, ngaraa oyapo ikavimbae japicha pe. Jayave, mboroaɨu rupi oyembopo mborookuai.

Romanos 13:8

Agüɨye pepía kia pe ave mbae re. Ërei peyoaɨu. Echa japicha oaɨu vae oyapo ko opaete mborookuai jae vae.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Gálatas 6:10

Jáeramo yandepuere yave, yayapo ikavi vae opaete vae pe, ërei yambotenonde oporogüɨrovia vae reta.

Gálatas 6:2

Peyomborɨ mborɨ, pevoɨta ipoɨ vae re rami, jökorai pembopo Cristo iporookuai.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Colosenses 1:4

Körai roendu perovia Cristo Jesús re, jare kërai peaɨu opaete oporogüɨrovia vae reta,

1 Tesalonicenses 3:12

Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

Hebreos 13:1

Peyoaɨu päve avei.

Santiago 2:8

Peyapo yave jupi rupi mborookuai añetete vae, Tumpa Iñee pe jei rami, körai: “Eaɨu nderapicha nde reyeaɨu rami.” Peyapo ko ikavi vae.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

2 Pedro 1:7

Tumpa imboete pemomɨ̈rata mbɨakavi oyoupi vae pe; mbɨakavi oyoupe vae pemomɨ̈rata mboroaɨu pe.

1 Juan 3:11

Echa iyɨpɨ güive peendu kuae ñee: “Yayoaɨu päve oyoupi.”

1 Juan 3:23

Jare Tumpa yandeokuai vae jae ko yarovia vaerä Taɨ Jesucristo jare yayoaɨu päve vaerä jae yandeokuai rami.

1 Juan 4:21

Jare Jesucristo oeya yande kuae mborookuai: Oaɨu Tumpa vae, toaɨu vi iñeïru oporogüɨrovia vae.

2 Juan 1:5

Jare añave pomoñera cherɨvɨ reta, mbaetɨ aikuatía peve mborookuai ipɨau vae rami, jaeño iyɨpɨ güive yaikuaa vae, jae ko yayoaɨu päve vaerä.