San Juan 13:27 - Biblia Guarani Tumpa Iñee

²⁷ Jare Judas jou ñoete, Satanás oike ipɨa pe. Jayave Jesús jei chupe: —Eyapo voi jókuae reyapota vae.

Nuevo Testamento Guaraní Pe

²⁷ Jayave Judas jou ma yave, Satanás oya jese. Jayave Jesús jei Judas pe: —Eyapo voi jocuae reyapota vae.

San Juan 13:27 Iomraidhean Croise

1 REYES 18:27

Jare jaemai kuaraɨ ara mbɨte yave, Elías opuka jese reta, jei reve: —Pesapúkai täta, echa petumpa ko. Güɨramoi oime oyemongeta oï, ani oime mbae nunga mbaravɨkɨ oyapo oï, ani oë oguata. ¡Güɨramoi oke oï, pemomba!

SALMOS 109:6

Emopüa chupe reta jupimbae vae, Satanás toï iyakatu pe.

PROVERBIOS 1:16

echa osɨi katu oyapo reta ikavimbae; yogüɨraja vaerä oporoyuka jarembae voi.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

DANIEL 2:15

Daniel oparandu Arioc, mburuvicha guasu isundaro ruvicha pe: —¿Mbae jeko pegua pa kuae mborookuai ikavimbae yae vae oñemoërakua mburuvicha guasu jee re? Jayave Arioc oikuaauka Daniel pe mbae jeko pegua ko oñemoërakua vae.

San Mateo 12:45

Jayave jókuae aña ojo güeru jupíe, chiu aña ikavimbae yae chugüi vae reta jókuae o pe. Jare oike reta yogüɨreko pɨpe. Jare jókuae kuimbae ikaviä yae tenonde yave oiko vae güi. Jökoraita vi oasa kuae ikavimbae iyapoa reta ndive.”

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Marcos 6:25

Jayave kuñatai jupiveiño oike ye mburuvicha guasu oïa pe, jei: —Aipota remee cheve añave voi Juan oporombobautisa vae iñäkagüe metei ñae pe.

San Lucas 22:3

Jayave Satanás oya Judas Iscariote re, jae ko doce vae reta güi metei.

San Juan 13:2

Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

San Juan 13:28

Ërei mbaetɨ kia ave jókuae mesa pe ñogüɨnoi oikuaa maera Jesús jei jökorai Judas pe.

San Juan 6:70

Jayave Jesús jei chupe reta: —Che ko poparavo pe doce vae reta. Ërei oime metei pepɨte pe aña pe oyeokuai vae.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?