San Juan 13:2 - Biblia Guarani Tumpa Iñee

^2-4 Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

Nuevo Testamento Guaraní Pe

^2-4 Judas Iscariote - jae co Simón taɨ - oñemongueta ma omoeterenga vaera Jesús jovaicho reta pe. Echa jocorai oipota aña guasu Judas oñemongueta vaera. Jare Jesús oicuaa cavi ma opaete mbaravɨquɨ Tu oipota oyapo vaera vae. Oicuaa vi ou co Tumpa güi jare ojo yeta co Tumpa pɨri. Jare pɨtu yave Jesús jare jemimboe reta ocaru ñogüɨnoi yave, Jesús opúa mesa güi, omboi jemimonde iarambuegua, jare oyocua icúa metei toalla pe.

San Juan 13:2 Iomraidhean Croise

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

NEHEMÍAS 2:12

apüa pɨ̈tu yave jare mbovɨ kuimbae che ndive, ërei mbaetɨ amombeu kia pe ave yandeYa Tumpa oñono chepɨa pe ayapota Jerusalén pe vae. Mbaetɨ yogüɨraja reta kavayu re, jaeño che apo jese vae.

San Mateo 10:4

Simón cananita, jare Judas Iscariote (jae ko omee Jesús jovaicho reta ipo pe vae).

San Lucas 22:3

Jayave Satanás oya Judas Iscariote re, jae ko doce vae reta güi metei.

San Lucas 22:31

YandeYa jei Simón pe: —Simón, Simón, mase, Satanás oyerure ma peré, pemboyao vaerä trigo oyembogua rami.

San Juan 13:11

Echa Jesús oikuaa kia ko omeeta jovaicho reta pe vae. Jáeramo jei: “Ërei ndeiño opaete pekɨambae.”

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

Efesios 2:3

Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

Apocalipsis 17:17

echa Tumpa oñono ipɨa reta pe oyapo reta vaerä jae jemimbota, omometei vaerä iyemongeta jare omeeta iporookuaía reta mbaemɨmba guasu pe, oyembopo regua Tumpa jei vae.