San Juan 12:5 - Biblia Guarani Tumpa Iñee

⁵ —¿Maera pa omeeä kuae mbae ikäti kavi vae tresciento denario pe? Oñemee vaerä paravete vae reta pe.

Nuevo Testamento Guaraní Pe

⁵ —¿Maera pa mbaeti omee cuae mbae ipiche cavi vae trescientos denario pe? Echa ipuereta tei co omee corepoti paravete vae reta pe —jei.

San Juan 12:5 Iomraidhean Croise

ESDRAS 4:14

Ore reta jese roiko vae mbaetɨta romaeño mburuvicha guasu jökorai oyeapouka, kuae jeko pegua romondo roikuaauka ndeve,

ÉXODO 5:17

Jare Faraón omboyevɨ ñee chupe reta: —¡Pe reta jae ko peparavɨkɨsembae! Jáeramo pere: “Yaja ñamee mɨmba oyeyukagüe yandeYa pe.”

ÉXODO 5:8

Ërei tenonde rupi ladrillo oyapo yogüɨreko ramiño peyapouka chupe reta. ¡Agüɨye etei toata toyapo reta! Echa iyakɨ reta ko, jáeramo jei reta: “¡Yaja ñamee mɨmba oyeyukagüe ñaneTumpa pe!”

AMÓS 8:5

pere körai: “¿Kërai yave ra oasata arete yasɨ pɨau regua ñamee vaerä trigo? ¿Jare mbutuu iara, yaipea vaerä tembíu rɨru reta; ñamomichi äve vaerä mbaejäaka jare yaupi vaerä jepɨ?

San Mateo 18:28

Ërei jókuae tembiokuai oë güire, oväe iñeïru tembiokuai mbovɨño korepoti re ipía chupe vae. Jayave jae oyaseopɨɨ jare jei chupe: ‘¡Emboepɨ cheve ndepía!’

San Mateo 20:2

Jare opɨta omboepɨ vaerä metei denario metei ara oparavɨkɨ vae reta pe. Javoi omondo reta oparavɨkɨ iuvarupa pe.

San Lucas 12:33

Pemee pembaembae, jare jepɨgüe pemee paravete vae reta pe. Körai peyapo yave, penoita mbaeyekou opambae vae ara pe, imonda vae reta oikembaea pe jare kupii güɨrokomeguambaea pe.

San Lucas 18:22

Jesús kuae oendu yave, jei chupe: —Oimeño mbae oata ndeve. Emee opaete mbaembae renoi vae, jare jepɨgüe emee paravete vae reta pe, jayave renoita mbaembae ara pe. Javoi eyu cherupíe.

San Lucas 6:41

Agüɨye emae ɨtɨ michi vae nerëtara jesa pe oï vae re, mbaetɨ reve remae ɨvɨra nderesa pe renoi vae re.

San Juan 12:4

Jayave metei Jesús jemimboe Judas Iscariote jee vae, Simón taɨ, jae ko omeeta Jesús jovaicho reta pe vae, jei:

San Juan 12:6

Ërei mbaetɨ jei jökorai paravete vae reta omborɨ vaerä. Jei jökorai imonda ramo. Echa güɨnoi korepoti ïru vae reta omee chupe reta vae jɨru, jare oekɨ vɨari yepi korepoti iyeupeguarä.

San Juan 13:29

Amogüe vae oyemongeta Jesús jei chupe, ojo vaerä mbae ogua arete peguarä, ani omee vaerä mbae paravete vae reta pe. Echa Judas güɨnoi korepoti jɨru.

San Juan 6:7

Felipe jei chupe: —Dosciento denario pegua mbɨyape vae ave ngaraa oupitɨ kuae reta jou vaerä kërai yepe.