San Juan 12:48 - Biblia Guarani Tumpa Iñee

⁴⁸ Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

Nuevo Testamento Guaraní Pe

⁴⁸ Jocuae mbaeti güɨrovia cheré jare mbaeti oyapo che jae chupe oyapo vaera vae oñejaata co. Echa ara taɨcuega pe cuae che jae vae ojaata —jei chupe reta—.

San Juan 12:48 Iomraidhean Croise

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

San Mateo 10:15

Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Mateo 21:42

Jesús oparandu chupe reta: —¿Mbaetɨi pa pemongeta Tumpa Iñee? “O iyapoa reta güɨröɨro ita vae, ou opɨta o ekina iguapɨkarä. YandeYa ko oyapo kuae, yaecha ma, jare ñanemopɨakañɨ.”

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Marcos 12:10

¿Mbaetɨ pa pemongeta Tumpa Iñee pe oyekuatía oï vae?: ‘O iyapoa reta güɨröɨro ita vae, ou opɨta o ekina iguapɨkarä.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Marcos 8:31

Jayave Jesús omombeu kavi chupe reta, kërai jae Kuimbaerä oyeapo vae jetata ko oiporara. Jare tëta guasu pegua reta itenondegua reta, sacerdote reta itenondegua reta, jare mborookuai re oporomboe vae reta güɨröɨrota jare oyukaukata. Ërei mboapɨ ara rupi oikove yeta.

San Lucas 10:16

Oyeapɨsaka peré vae oyeapɨsaka ko cheré. Ërei pereröɨro vae che ko chereröɨro. Jare chereröɨro vae chembou vae ko güɨröɨro.”

San Lucas 17:25

Ërei aiporara yaeta räri ko, jare añave yogüɨreko vae reta chereröɨrota.

San Lucas 20:17

Jayave Jesús omae ngatu jese reta jare jei: —¿Mbae pa oipota jei Tumpa Iñee pe oyekuatía oï vae: “O iyapoa reta güɨröɨro ita vae, ou opɨta o ekina iguapɨkarä”?

San Lucas 7:30

Ërei fariseo reta jare mborookuai re oporomboe vae reta mbaetɨ oyapo Tumpa jei oyapo vaerä vae. Echa mbaetɨ oyembobautisauka Juan pe.

San Lucas 9:22

jei reve: —Che Kuimbaerä ayeapo vae aiporara yaeta. Jare tëta guasu pegua reta itenondegua reta, sacerdote reta itenondegua reta, jare mborookuai re oporomboe vae reta chereröɨrota jare cheyukata. Ërei mboapɨ ara rupi aikove yeta.

San Lucas 9:26

Echa kia imara cheré jare cheñee re vae, che Kuimbaerä ayeapo vae aromarata vi, ayu ye yave cheyemboetea jare cheRu jare araɨgua reta iyemboetea reve.

San Juan 11:24

Marta jei: —Aikuaa oikove yeta ko. Ara taɨkuegua ete pe oikove yeta vae reta ndive.

San Juan 5:45

Agüɨye peyemongeta che pomboekota ko cheRu jóvai. Echa Moisés jembikuatía ko pemboeko, jókuae pe reta peyeko jese vae.

San Juan 6:39

Jare cheRu chembou vae jemimbota ko jae, mbaetɨ vaerä amokañɨ metei ave jae omee cheve vae reta, jare amoingove ye vaerä omanogüe vae ara taɨkuegua pe.

San Juan 8:47

Tumpa taɨ reta oyeapɨsaka jae iñee re. Pe reta Tumpa taɨä ko. Jáeramo peipotaä peyeapɨsaka jese.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

Hechos 3:23

Jare oime yave kia mbaetɨ oyeapɨsaka jókuae ñeemombeúa re vae, oyemombota ko ïru vae reta ipɨte güi.

Romanos 2:16

jókuae ara Jesucristo rupi Tumpa ojäa yave, opaete kuimbae reta jembiapo oyekuaambae vae, ñee ikavi vae che amombeu vae rupi.

2 Corintios 4:3

Amogüe vae reta pe yavai yae ñee ikavi vae romombeu vae, ërei okañɨtei ñogüɨnoi vae reta pe ko jökorai.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 10:25

Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

1 SAMUEL 10:19

Ërei añave pe reta peröɨro peTumpa, opaete mbɨatɨtɨ jare mbaeporara reta güi peñovatu vae, echa peiporu peruvicha guasurä. Añave, peyemboatɨ yandeYa jóvai, peñemuña ñavo rupi jare peñoëtara vae ñavo rupi.

1 SAMUEL 8:7

Jare yandeYa jei Samuel pe: “Eendu opaete vae reta jei ndeve vae; echa ndeä ko nereröɨro reta, che ko chereröɨro reta, agüɨye vaerä ma aiko jae reta juvicharä.