San Juan 12:42 - Biblia Guarani Tumpa Iñee

⁴² Ërei jeseve jeta mburuvicha reta güɨrovia Jesús re. Ërei mbaetɨ omboyekuaa reta fariseo reta jeko pegua, agüɨye vaerä oyemombouka reta judío reta itupao güi.

Nuevo Testamento Guaraní Pe

⁴² Erei amogüe mburuvicha reta güɨrovia Jesús re. Erei mbaeti oipota jei jae co Cristo fariseo reta jeco pegua. Echa jocorai jei yave, fariseo reta omombota tei co judío reta itupao güi.

San Juan 12:42 Iomraidhean Croise

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 38:19

Sedequías jei: —Aipoɨuño añemee, echa güɨramoi Caldeaɨgua reta chemeeta Judá pegua reta oasa ikotɨ reta vae ipo pe, jare oyuvangata cheré reta.

San Mateo 10:32

Kia nunga vae chemoërakua ïru vae reta jóvai yave, che amoërakuata vi cheRu ara pe oï vae jóvai.

San Lucas 12:8

Che jae peve kuae: Oime yave kia chemoërakua ïru vae reta jóvai vae, che Kuimbaerä ayeapo vae amoërakuata vi Tumpa iaraɨgua reta jóvai.

San Lucas 23:13

Jayave Pilato omboatɨuka sacerdote reta itenondegua reta, mburuvicha reta jare tëta guasu pegua reta.

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

San Juan 11:45

Jayave, jeta judío yogüeru omoïru María vae reta oecha Jesús oyapo vae yave, güɨrovia jese.

San Juan 12:11

Echa Lázaro jeko pegua jeta judío reta oyembosɨrɨ chugüi reta, jare güɨrovia Jesús re.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

San Juan 19:38

Kuae jaɨkue rupi José Arimatea pegua oyerure Pilato pe güɨraja vaerä Jesús jetegüe. Kuae José ko jae metei Jesús jemimboe, ërei mbaetɨ omboyekuaa, okɨɨye judío reta güi ramo. Jayave Pilato omee güɨraja Jesús jetegüe.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 7:13

Ërei itenondegua reta güi oipoɨu jeko pegua mbaetɨ metei ave imiari jese oipoɨumbae reve opaete vae reta jóvai.

San Juan 7:31

Jare joko pe ñogüɨnoi vae güi jeta güɨrovia jese vae, echa jei reta: —Cristo ou yave, ¿oyapota ra jeta yae ete mɨakañɨ kuae kuimbae oyapo vae güi?

San Juan 9:22

Körai jei tu reta, okɨɨye reta ramo judío reta güi. Echa judío reta jei ma oyoupe: “Jókuae ‘Jesús ko jae Mesías’, jei vae toyemombo yandetupao güi.”

San Juan 9:34

Jayave judío reta jei chupe: —Nde rea mbaeyoa pe voi vae, ¿oremboeta ra? Jayave omombo reta joko güi.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

1 Juan 4:15

Oime yave kia “Jesús ko jae Tumpa Taɨ” jei vae, Tumpa oï jese jare jae oï Tumpa re.

1 Juan 4:2

Kuae rupi pepuere peikuaa Tumpa iEspíritu: Opaete vae omombeu Jesucristo ko jae oyeapo kuimbaerä vae yave, jae ko Tumpa güi ou vae.