San Juan 12:36 - Biblia Guarani Tumpa Iñee

³⁶ Tembipe oï pe ndive ramboeve, perovia tembipe re, peiko vaerä tembipe pe. Kuae jei ma yave, Jesús ojo chugüi reta, jare okañɨ chugüi reta.

Nuevo Testamento Guaraní Pe

³⁶ Tembipe pe reta ndive oico rambueve, perovia tembipe re, pe reta pei vaera tembipe rami —jei chupe reta. Cuae jei ma yave, Jesús ojo chugüi reta, jare mbaeti ma ipuere reta ovae chupe.

San Juan 12:36 Iomraidhean Croise

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

San Mateo 21:17

Jayave Jesús oeya reta. Ojo Jerusalén güi Betania pe, jare opɨta joko pe.

San Mateo 5:14

Pe reta ko jae tembipe rami ɨvɨ pe. Metei tëta guasu oï ɨvɨtɨ re vae oñemi rapeä ko.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

San Juan 1:7

Jae ou omombeu vaerä jókuae tembipe regua, opaete vae reta güɨrovia vaerä jei vae rupi.

San Juan 11:54

Jáeramo Jesús mbaetɨ ma opɨta Judea pe, agüɨye vaerä judío reta oecha. Ojo joko güi metei tëta guasu Efraín jee vae pe. Jókuae tëta guasu oï ñuu iyɨpɨ pe. Joko pe opɨta jemimboe reta ndive.

San Juan 12:37

Yepe tëi Jesús oyapo jeta mɨakañɨ reta jae reta jovake, ërei mbaetɨ güɨrovia reta jese,

San Juan 12:46

Ayu ɨvɨ pe amee vaerä tembipe ɨvɨ pegua reta pe, agüɨye vaerä cheré güɨrovia vae oiko pɨtumimbi pe.

San Juan 3:21

Ërei añete pegua rupi oiko vae ou tembipe pe, ïru vae reta oikuaa vaerä jembiapo reta oyapo ko Tumpa jemimbota rupi kavi.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

San Juan 8:59

Jayave judío reta oipɨɨ ita oyapi vaerä tëi Jesús. Ërei jae oñemi jare oë tupao güi; oasa jae reta ipäu rupi ojo.

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

1 Tesalonicenses 5:5

Echa opaete pe reta ko tembipe pegua jare ara pegua reta. Mbaetɨ ko yande reta pɨ̈tu pegua ani pɨtumimbi pegua.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.