San Juan 12:34 - Biblia Guarani Tumpa Iñee

³⁴ Jayave jae reta jei Jesús pe: —Mborookuai pe oyekuatía oï vae omombeu oreve Cristo oikoño mai ko. ¿Mbae pa rere jókuae Kuimbaerä oyeapo vae oupita retata ko vae? ¿Kia pa ko jókuae Kuimbaerä oyeapo vae?

Nuevo Testamento Guaraní Pe

³⁴ Jayave jae reta jei Jesús pe: —Mboroócuai pe oyecuatía oi vae omombeu oreve Cristo jecuaeño oico. ¿Mbae pa oipota jei jocuae nde rere vae? Echa nde rere iru vae reta oupita ɨvɨ güi cuimbaera oyeapo vae. ¿Quia pa co jae cuimbaera oyeapo vae? —jei reta.

San Juan 12:34 Iomraidhean Croise

2 SAMUEL 7:13

Jae omopüata metei o cheve, jare che ameeta oiko avei vaerä iporookuaía.

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

SALMOS 72:7

¡Toporookuai jupi rupi, mbɨakatu toime jókuae ara rupi, mbaetɨ ma yasɨ regua!

ISAÍAS 53:8

Oipɨɨ reta jare ojäa reta oyuka; jare mbaetɨ iñemuña jërakua vaerä. Echa oyeasɨa kuae ɨvɨ güi, oikove vae reta ipɨte güi, cherëta pegua reta ipɨapochɨ vae jeko pegua omano.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

San Mateo 16:13

Jesús ojo oväe tëta guasu Cesarea Filipo iɨvɨ kotɨ yave, oparandu jemimboe reta pe: —¿Kia pa che Kuimbaerä ayeapo vae ïru vae reta pe?

San Mateo 21:10

Jare Jesús ojo oväe Jerusalén pe yave, joko pegua reta ipɨakañɨ reve jei: —¿Kia pa ko kuae?

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

San Juan 10:34

Jayave Jesús jei chupe reta: —Mborookuai penoi vae pe oyekuatía oï körai: “Pe reta ko jae tumpa reta.”

San Juan 12:32

Jare ïru vae reta chereupi yave, aruta opaete ɨvɨ pegua reta chekotɨ.

San Juan 15:25

Kuae oyapo reta oyembopo vaerä mborookuai pe oyekuatía oï vae. Echa oyekuatía oï körai: “Chemotareɨ reta cherekombae reve.”

San Juan 8:28

Jesús jei chupe reta: —Che Kuimbaerä ayeapo vae pe reta chereupi ma kurusu re yave, chekuaata CHE KO vae. Jare mbaetɨ mbae ayapo cheyeugüi aeño vae, jaeño cheRu chemboe vae rupiño chemiari.

Romanos 3:19

Ërei yaikuaa ko opaete mborookuai jei vae, jei ko mborookuai güɨnoi vae reta pe, agüɨye vaerä mbae jei jare opaete vae oike vaerä Tumpa iporojäa pe;

Romanos 5:18

Jáeramo metei vae iyoa jeko pegua Tumpa ojäa opaete vae. Jaeramiño vi metei vae jupi vae oyapo vae jeko pegua Tumpa ombojupi opaete vae tekove opambae vae peguarä.

Hebreos 7:24

ërei Jesús oimeño mai oiko, jáeramo ipuere oyapo sacerdote iparavɨkɨ jekuae avei rupi.