San Juan 12:31 - Biblia Guarani Tumpa Iñee

³¹ Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

Nuevo Testamento Guaraní Pe

³¹ Oñejaa ma ɨvɨ pegua reta, jare jae reta juvicha oñemombota co —jei—.

San Juan 12:31 Iomraidhean Croise

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

ISAÍAS 49:24

¿Ipuereta ra kia opɨ̈ro sundaro jëia vae güi, jókuae mbae ñeraroa güi güerugüe? Ani ¿ipuereta ra tembipɨɨ reta otekuarai mburuvicha jëia yae vae güi?

San Mateo 12:28

Ërei che ambosɨrɨ aña reta oya jese vae reta güi Tumpa iEspíritu imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 3:19

Tembipe ou ma ɨvɨ pe, ërei ɨvɨ pegua reta oaɨu yae iyeupe pɨtumimbiño, tembipe güi, echa jembiapo reta ikavimbae vaeño. Jáeramo oñejäauka reta ma ko.

San Juan 9:39

Jayave Jesús jei: —Ayu ko ɨvɨ pe amboyao vaerä oyougüi ɨvɨ pegua reta. Ipuerembae omae vae reta omae vaerä, jare ipuere omae vae reta agüɨye vaerä oecha.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

1 Corintios 1:20

¿Jama pa iyarakuaa vae? ¿Jama pa mborookuai re oporomboe vae? ¿Jama pa iyoakase kuae ɨvɨ pe vae? Echa Tumpa oikuaauka kërai arakuaa kuae ɨvɨ pegua mbokereño ko.

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Efesios 6:12

Echa mbaetɨ ñañeraro ñaï ɨvɨ pegua reta ndive. Ñañeraro ko ñaï mburuvicha reta, imbaepuere vae reta, tenondegua ete mburuvicha pɨtumimbi pegua reta ndive, jeta vae ara rupigua reta ikavimbae pegua reta ndive.

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.