San Juan 11:44 - Biblia Guarani Tumpa Iñee

⁴⁴ Jare jókuae tëogüe oë. Ipo jare ipɨ oyeokua tarapo pe, jare jova oñeoma nieso pe. Jayave Jesús jei chupe reta: —Peyora. Pemaeño tojo.

Nuevo Testamento Guaraní Pe

⁴⁴ Jare cuimbae amɨri oe. Ipo jare ipɨ oyeocua tarapo pe, jare jova oñeoma lienzo pe. Jayave Jesús jei: —Peyora iyocuaa. Pemaeño toguata —jei.

San Juan 11:44 Iomraidhean Croise

GÉNESIS 1:3

Jare Tumpa jei: “¡Toiko tembipe!” Jare oiko tembipe.

SALMOS 33:9

Echa jae jei vae, opaete oyeapo; omee mborookuai vae, jökorai oiko.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

San Marcos 5:43

Jayave Jesús oyókuai yeyé reta agüɨye vaerä omombeu kia pe ave, jare oyókuai reta vi omongaru vaerä kuñatai.

San Lucas 19:20

Jayave ïru jembiokuai jei chupe: ‘Mase, cheya, ko oï ndekorepoti, ayapɨkua añovatu ndeve vae.

San Lucas 7:15

Jayave omano vae oguapɨ jare omboɨpɨ imiari. Jare Jesús omee ichɨ pe.

San Juan 10:30

CheRu jare che meteiño ko.

San Juan 11:39

Jayave Jesús jei: —Pembosɨrɨ ita joko güi. Marta, jókuae kuimbae omano vae jeindɨ jei chupe: —CheYa, iine ma ko. Echa irundɨ ara ma ko omano.

San Juan 11:43

Jayave iñeeäta, jei: —¡Lázaro, eë joko güi!

San Juan 19:40

Jayave ombogüeyɨ reta Jesús jetegüe, jare oñoma mbae ikäti kavi vae ndive nieso pe. Echa jökorai judío reta jeko, kia jetegüe oñotɨ yave.

San Juan 20:5

Jare omae japɨpe kotɨ yave, oecha nieso reta joko pe oï, ërei mbaetɨ oike.

San Juan 20:7

Oecha vi nieso Jesús iñäka re oñeñono vae oyemboyeapa jare oï tee ïru nieso reta güi.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 5:25

Añetete che jae peve, oväeta ara, jae ko añave, omanogüe vae reta oendu vaerä che Tumpa Taɨ iñee jare opaete oendu vae reta oikoveta.

Filipenses 3:21

jae oipoepɨta yanderete kuae ɨvɨ pe ñanoi vae jae jete iyemboetea yae vae rami vae pe. Oyapota kuae, mbaepuere güɨnoi opaete mbaembae re vae rupi.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

1 SAMUEL 2:6

YandeYa oekɨ tekove, jare jae omee tekove; jae oporomondo omanogüe reta ñogüɨnoia pe, jae oporogüɨnoe ye joko güi.