San Juan 11:25 - Biblia Guarani Tumpa Iñee

²⁵ Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

Nuevo Testamento Guaraní Pe

²⁵ —Che co amee tecove omanogüe vae reta pe jare aru ye iru omanogüe vae reta ipɨte güi —jei Jesús—. Cheré güɨrovia vae, yepe tei omano oi, oicove yeta co.

San Juan 11:25 Iomraidhean Croise

SALMOS 36:9

echa nde renoi ɨ tekove pegua, ndereño orepuere roikove.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

ISAÍAS 38:16

Oikoveta opaete jókuae yandeYa oyangareko jese vae reta, jae reta ndive aikoveta che. Nde ko chembogüera ye, remee aiko ye vaerä.

San Lucas 23:43

Jayave Jesús jei chupe: —Añete che jae ndeve, kuae ara reïta che ndive ara pe.

San Juan 1:4

Jese ko oï tekove, jare jókuae tekove jae ko tembipe ɨvɨ pegua reta pe.

San Juan 14:19

Michi peguaño ma ɨvɨ pegua reta chereechata. Ngaraa ma chereecha ye. Ërei pe reta chereecha yeta. Che aikove ramo, pe reta peikoveta vi.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 3:16

Echa Tumpa oaɨu yae ɨvɨ pegua reta. Jáeramo omee Taɨ jaevaeño vae, oipotagüe güɨrovia jese vae güɨnoi vaerä tekove opambae vae, ngaraa ojo kañɨtei pe.

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 5:26

Echa cheRu güɨnoi tekove iyé etei. Jaeramiño vi omee cheve anoi vaerä tekove cheyé etei.

San Juan 6:35

Jesús jei chupe reta: —Che ko jae mbɨyape tekove pegua. Oipotagüe ou chekotɨ vae ngaraa ye ma iyɨmbɨaɨ; jare oipotagüe cheré güɨrovia vae ngaraa ye ma iɨuve.

San Juan 6:44

Ngaraa kia ou chekotɨ, cheRu chembou vae mbaetɨ güeru chekotɨ yave. Jare che amoingove yeta ara taɨkuegua pe.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Romanos 4:17

Echa oyekuatía oï körai: “Che roñono ma jeta vae reta turä.” Jae Tumpa, Abraham güɨrovia jese vae, tekove omee omanogüe reta pe vae, oyapo mbaembae ndeiño oyeapo vae.

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 15:18

Jökorai ko yave, Cristo re güɨrovia vae reta omano ma vae okañɨtei ko.

1 Corintios 15:29

Jayave jókuae amogüe re oyembobautisauka vae reta ¿maera ra oyapo reta? Mbaetɨ ko omanogüe reta oikove ye yave, ¿maera ra oyembobautisauka omanogüe reta re?

2 Corintios 4:14

Echa roikuaa Tumpa omoingove ye yandeYa Jesús. Jaeramiño vi roikuaa Tumpa oremoingove yeta ko Jesús ndive, jare orererajata pe reta ndive jae jóvai.

Filipenses 1:23

Mókoi reve jaekavi yae cheve: Aipota amano, Cristo ndive aï vaerä, echa jókuae ikavi yaeta ko cheve.

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

1 Tesalonicenses 4:14

Echa yande yarovia Jesús omano ko jare oikove ye ko. Jökoraiño vi Tumpa omoingove yeta Jesús ndive oporogüɨrovia jese vae reta.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 20:5

Ërei ïru omanogüe reta mbaetɨ oikove ye, mil año oasa regua. Jae ko kuae tenondegua omanogüe reta oikove ye vae.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.