San Juan 10:28 - Biblia Guarani Tumpa Iñee

²⁸ Jare amee chupe reta tekove opambae vae, jare ngaraa etei omano reta. Ngaraa kia ipuere opɨ̈ro chegüi.

Nuevo Testamento Guaraní Pe

²⁸ Jare amee chupe reta tecove opa mbae vae, jare ngaraa etei ojo cañɨtei pe. Mbaeti quia ipuere opɨro chegüi —jei—.

San Juan 10:28 Iomraidhean Croise

JOB 17:9

Jupi vae reta ojota tenonde, ikavi oyapo vae oñemoïruta ipɨ̈rata.

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 37:28

Echa yandeYa oaɨu isɨmbi rupi mbae oyeapo vae, mbaetɨ oeya oñeñono tee chupe vae reta, oyangarekota jese reta jekuae avei; ërei iyoa vae reta iñemuña opata okañɨtei.

PROVERBIOS 24:16

echa jupi vae, yepe tëi ogüɨapi mbovɨ ye, opüa yeta ko; ërei iyoa vae, oata susere pe.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 27:3

Che, peYa ko ayangareko avei jese, amboɨu avei ko, ayangareko ko jese ara pe jare pɨ̈tu rupi, agüɨye vaerä kia maratu oyapo.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

JEREMÍAS 31:3

Ɨma yae ma che ayekuaa chupe reta jae reve: Che roaɨu yae mboroaɨu opambae ndive; jáeramo jekuae aveiño cheporoparareko pekotɨ.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Lucas 23:46

Jayave Jesús täta osapúkai, jei: —CheRu, añono cherekove ndepo pe. Jare kuae jei ma yave, omano.

San Juan 10:29

CheRu omee ma cheve kuae vecha reta vae, imbaepuere tuicha yae opaete vae güi. Jare ngaraa kia ipuere opɨ̈ro cheRu güi.

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

San Juan 14:19

Michi peguaño ma ɨvɨ pegua reta chereechata. Ngaraa ma chereecha ye. Ërei pe reta chereecha yeta. Che aikove ramo, pe reta peikoveta vi.

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

San Juan 18:9

Kuae jei oyembopo vaerä tenonde yave jei vae: “Mbaetɨ amokañɨ metei ave nde remee cheve vae reta güi.”

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:47

Añetete che jae peve, cheré güɨrovia vae güɨnoi tekove opambae vae.

San Juan 6:68

Jare Simón Pedro jei chupe: —OreYa, ¿kia re pa rojota royemboya? Ndeño ko renoi ñee tekove opambae vae pegua.

Hechos 7:59

Jare oyapi reta ramboeve, Esteban oyerure jei: “CheYa Jesús, eraja cherekove.”

Romanos 5:17

Echa mano güɨnoi mbaepuere opaete vae re metei kuimbae iyoa jeko pegua, ërei omboresive ipɨakavi jare oyembojupiuka vae reta oasa ete yeta güɨnoi mbaepuere tekove pɨau pe Jesucristo rupi.

Romanos 5:2

jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

Romanos 5:21

Mbaeyoa güɨnoi mbaepuere opaete vae re mano peguarä, jökorai Tumpa ipɨakavi güɨnoi mbaepuere yanderé yandembojupi vaerä, tekove opambae vae peguarä yandeYa Jesucristo rupi.

Romanos 5:9

Vɨtei pa yayembojupi ma Jesucristo jugüɨ rupi yave, jae rupi yaasayepeta Tumpa iyarasɨ güi.

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

Romanos 8:29

iyɨpɨ güive oikuaa vae reta. Jókuae reta oiparavo vi yogüɨreko reta vaerä Taɨ rami; Jae oiko vaerä opaete Tumpa taɨ reta ipɨte pe tenondegua eterä.

DEUTERONOMIO 33:3

Tumpa oaɨu imbae vae reta, oñeñono tee chupeguarä vae re oyangareko; jáeramo jae reta oguata nderaɨkue oyapo reta nde reyókuai vae.

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

2 Tesalonicenses 2:13

Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.

1 Timoteo 1:16

Ërei kuae jeko pegua yandeYa cheparareko, oechauka vaerä cherupi opaete ipɨakavi, jökorai che ayu apɨta güɨroviata jese vae reta pe, tekove opambae vae güɨnoi vaerä vae reta pe.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Juan 1:2

Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

1 Juan 2:19

Jae reta oë yandegüi, mbaetɨ añetete oñemoïru yande ndive ramo. Echa añetete oñemoïru yande ndive yave oimeñota tëi yogüɨreko yande ndive. Ërei oë reta yandegüi, oyekuaa vaerä opa reveä ko ñaneïru vae.

1 Juan 2:25

Jare Jesucristo güɨrökuavee yandeve vae ko jae tekove opambae.

1 Juan 5:11

Jare Tumpa omombeu yandeve vae jae: Jae omee yandeve tekove opambae vae; kuae tekove oï Taɨ re.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.

Judas 1:21

Peiko avei Tumpa iporoaɨu pe. Peäro reve yandeYa Jesucristo iporoparareko rupi omee vaerä peve tekove opambae vae.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.