San Juan 10:27 - Biblia Guarani Tumpa Iñee

²⁷ Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

Nuevo Testamento Guaraní Pe

²⁷ Chevecha reta oyeapɨsaca cheñee re. Aicuaa chevecha reta, jare jae reta yogüɨraja cheraɨcue —jei—.

San Juan 10:27 Iomraidhean Croise

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

ISAÍAS 66:22

YandeYa jei vi: “Echa ara ipɨau vae, jare ɨvɨ ipɨau vae che ayapota vae, ñogüɨnoi aveita cheresa róvai rami, jökoraita ko oime avei peñemuña reta jare peree.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 25:12

Ërei kuimbae jei chupe reta: ‘Añete che jae peve, mbaetɨ pokuaa.’

San Mateo 7:23

Ërei che jaeta chupe reta: ‘Pokuaaä etei. ¡Pesɨrɨ chegüi, mbaeyoa iyapoa reta!’

San Marcos 10:21

Jesús omae jese oiparareko oaɨu yae reve, jare jei chupe: —Metei mbae oata ndeve: Ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe, evoɨ ndekurusu.

San Marcos 8:34

Jare Jesús oenɨi jemimboe reta jare ïru joko pe ñogüɨnoi vae reta. Jayave jei chupe reta: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tojo cherupíe.

San Lucas 13:27

Ërei jae jeita peve: “Che jae peve, che mbaetɨ pokuaa. Pesɨrɨ chegüi opaete pe ikavimbae iyapoa reta.”

San Lucas 9:23

Jayave Jesús jei opaete vae pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu ara ñavo, jare tojo cherupíe.

San Juan 10:14

Che ko jae vecha reta iyangarekoa ikavi vae. Aikuaa chevecha reta jare chevecha reta chekuaa vi.

San Juan 10:16

Oime vi anoi ïru vecha reta kuae peguambae vae reta. Ërei jae reta aruta vi jare oendu retata vi cheñee. Jayave oimeta metei atɨño jare meteiño vecha reta iyangarekoa.

San Juan 10:8

Opaete yogüeru ndei ayu mbove vae imonda vae reta ko. Ërei vecha reta oyapoä jókuae reta jei vae.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 21:22

Jesús jei chupe: —Che aipota jae oiko vaerä che ayu ye regua yave, ¿maera pa reipota reikuaa? Nde eyu cherupíe.

San Juan 5:25

Añetete che jae peve, oväeta ara, jae ko añave, omanogüe vae reta oendu vaerä che Tumpa Taɨ iñee jare opaete oendu vae reta oikoveta.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

Hechos 3:23

Jare oime yave kia mbaetɨ oyeapɨsaka jókuae ñeemombeúa re vae, oyemombota ko ïru vae reta ipɨte güi.

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Hebreos 3:7

Jáeramo, Espíritu Santo jei rami: “Añave peendu yave iñee:

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.