San Juan 1:34 - Biblia Guarani Tumpa Iñee

³⁴ Jókuae aecha jare amombeu peve, jae ko jókuae Tumpa Taɨ.”

Nuevo Testamento Guaraní Pe

³⁴ Jocuae aecha ma jare amombeu peve cuae co jae Tumpa Taɨ —jei.

San Juan 1:34 Iomraidhean Croise

SALMOS 2:7

Che amoërakuata yandeYa jei vae; yandeYa jei cheve: “Cheraɨ ko nde; che ko romoñemuña añave.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

San Mateo 27:40

Jei reta: —Nde rere rembosururuta ko tupao jare remopüa yeta mboapɨ ara pe. Eyeepɨ. Nde ko jae Tumpa Taɨ yave, egüeyɨ kurusu güi.

San Mateo 27:43

Oyeko Tumpa re; toepɨ añave oaɨu yave. Echa jae jei: “Che ko jae Tumpa Taɨ.”

San Mateo 27:54

Jare cien sundaro vae juvicha Jesús re oyangareko oï vae jare jae ndive ñogüɨnoi vae reta oecha yave kërai ɨvɨ okana jare kërai opaete oyeapo vae, okɨɨye yae jare jei: —¡Añetete yepe, kuae kuimbae jae Tumpa Taɨ!

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Mateo 4:3

Jayave aña guasu omomiari oyavɨuka vaerä chupe, jei: —Nde ko Tumpa Taɨ yave, ere kuae ita reta pe toyepoepɨ mbɨyaperä.

San Mateo 4:6

Jei chupe: —Nde ko Tumpa Taɨ yave, ea kuae güi. Echa Tumpa iñee pe oyekuatía oï körai: “Tumpa oyokuaita iaraɨgua reta oyangareko vaerä nderé. Jare ipo pe ndeoko retata, agüɨye vaerä nepɨ̈sa-yeyuka ita re.”

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Marcos 1:1

Kuae pe oyemboɨpɨ ñee ikavi vae Jesucristo Tumpa Taɨ regua.

San Marcos 1:11

Jayave oyeendu ñee ara güi jei: “Nde ko jae cheRaɨ aaɨu yae vae. Chemboyerovia yae vae.”

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 3:22

Jare oyekuaa Espíritu Santo ogüeyɨ Jesús re pɨkasu rami. Jayave oyeendu ñee ara güi, jei: —Nde ko jae cheRaɨ roaɨu yae vae. Chemboyerovia yae vae.

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

San Juan 10:30

CheRu jare che meteiño ko.

San Juan 10:36

Jayave, ¿maera pa pere cheve: “Nde rere ikavimbae vae Tumpa kotɨ”? Echa jae: “Che ko jae Tumpa Taɨ.” Echa jae ko cheñono tee jare chembou ɨvɨ pe.

San Juan 11:27

Marta jei chupe: —Arovia, cheYa. Añave arovia nde ko jae Cristo, Tumpa Taɨ, reyu kuae ɨvɨ pe vae.

San Juan 19:7

Judío reta jei Pilato pe: —Ore rogüɨnoi metei mborookuai, jare jókuae mborookuai rupi omanota ko. Echa jei iyeupe jae ko Tumpa Taɨ.

San Juan 20:28

Jayave Tomás jei: —¡CheYa jare cheTumpa!

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 6:69

Rogüɨrovia ma nderé jare roikuaa nde ko jae Cristo, Tumpa oikove vae Taɨ.

Romanos 1:4

Ërei jae oyekuaa Tumpa Taɨ imbaepuere yae vae Espíritu Santo rupi. Jókuae oyekuaa, oikove ye yave omanogüe reta ipɨte güi.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

Hebreos 7:3

Mbaetɨ yaikuaa kia ra jae tu ani ichɨ vae jare kia iñemuña pegua ra vae; mbaetɨ vi yaikuaa kërai yave oa vae regua ani imano regua, körai oyeapo sacerdote jekuae avei pegua Tumpa Taɨ rami.

1 Juan 2:23

Oime yave kia mbaetɨ güɨrovia Tumpa Taɨ re vae, mbaetɨ ko güɨrovia yandeRu Tumpa. Ërei güɨrovia Tumpa Taɨ re vae, güɨrovia vi ko yandeRu Tumpa re.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

1 Juan 4:9

Kuae re ko oyekuaa Tumpa iporoaɨu yande kotɨ, kërai jae ombou Taɨ jaevaeño ɨvɨ pe, yande ñanoi vaerä tekove.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae: