San Juan 1:33 - Biblia Guarani Tumpa Iñee

³³ Che mbaetɨ aikuaa kia ko jae vae. Ërei chembou aporombobautisa vaerä ɨ pe vae jei cheve: ‘Reecha Espíritu ogüeyɨ jese vae, jae ko jókuae kuimbae oporombobautisa Espíritu Santo pe vae.’

Nuevo Testamento Guaraní Pe

³³ Che mbaeti aicuaa. Erei chembou aporombobautiza vaera ɨ pe vae jei cheve: “Reechata Espíritu Santo ogüeyɨ ou opɨta metei cuimbae re. Jocuae cuimbae oporombobautizata Espíritu Santo pe” —jei, jei Juan—.

San Juan 1:33 Iomraidhean Croise

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Lucas 3:16

Jáeramo Juan jei chupe reta: “Añete che pombobautisa ɨ pe. Ërei oime ou imbaepuere yae chegüi vae. Mbaetɨ jupi che ipɨapaa iïcha ayora vaerä ave. Jae pembobautisata Espíritu Santo pe jare tata pe.

San Juan 1:31

Che mbaetɨ aikuaa kia ko jae vae. Ërei ayu aporombobautisa ɨ pe Israel pegua reta oikuaa vaerä.”

San Juan 14:26

Ërei jókuae Oporombopɨakatuta vae Espíritu Santo CheRu ombouta peve cheree re vae, pemboeta opaete mbaembae re, jae pemomaenduata opaete che jae peve vae re.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Hechos 1:5

Juan oporombobautisa ɨ pe, ërei pe reta mbovɨ ara peño peyembobautisata ma Espíritu Santo pe.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.