San Juan 1:3 - Biblia Guarani Tumpa Iñee

³ Opaete mbaembae jae etei oyapo. Jae oyapombae reve mbaetɨi mbae oyeapogüe.

Nuevo Testamento Guaraní Pe

³ Jae oyapo opaete. Opaete oyeapo vae jae etei oyapo.

San Juan 1:3 Iomraidhean Croise

GÉNESIS 1:1

Iyɨpɨ ete pe Tumpa oyapo ara jare ɨvɨ.

GÉNESIS 1:26

Jayave Tumpa jei: “Yayapo kuimbae yande rami, togüɨnoi mbaepuere jevae reta ɨguasu rupigua re, güɨra reta re, mbaemɨmba reta ɨvɨ pegua re, jare opaete mɨmba reta ipɨtía re oguata vae re.”

SALMOS 102:25

Iyɨpɨ ete pe nde ko reyapo ɨvɨ, jare ara jae ko nderembiapo.

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

PROVERBIOS 8:30

joko pe che aï jae ndive, amborɨ añono kavi opaete mbaembae. Che ko amboyerovia katu avei vae, ayerovia katu avei jae jóvai opaete ara rupi;

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

San Juan 1:10

Jae oiko kuae ɨvɨ pe, jae rupi oyeapo kuae ɨvɨ. Ërei ɨvɨ pegua reta mbaetɨ oikuaa.

San Juan 1:2

Jókuae Ñee oiko Tumpa ndive iyɨpɨ ete pe.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

Efesios 3:9

jare aikuaauka vaerä opaete pe oyekuaambae iyɨpɨ güive Tumpa re vae, jae ko opaete mbaembae iyapoa.

Hebreos 11:3

Mborogüɨrovia rupi yaikuaa ɨvɨ jare opaete ara re ñogüɨnoi vae oyeapo ko Tumpa iñee rupi; opaete mbaembae oyekuaa vae, oyeapo ko mbaetɨ vae güi.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”