San Juan 1:12 - Biblia Guarani Tumpa Iñee

¹² Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

Nuevo Testamento Guaraní Pe

¹² Erei amogüe vae omboresive. Güɨrovia jese. Jae rambue jae omee cuae reta pe Tumpa taɨ reta jare tayɨ reta yogüɨreco vaera.

San Juan 1:12 Iomraidhean Croise

2 SAMUEL 7:24

echa nde reiparavo ndembaerä Israel jekuae avei pegua, jare nde reiko iTumparä.

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

San Mateo 10:40

Kia pemboresive kavi yave, che etei ko chemboresive. Jare chemboresive kavi vae, omboresive ko chembou vae.

San Mateo 12:21

Jare jae jee re judiombae vae reta güɨroviata.”

San Mateo 18:5

Jare kia omboresive yave kuae nunga michia cheree re vae, che ko chemboresive.

San Juan 1:11

Ou jëtaɨgua reta pɨri, ërei jëtaɨgua reta mbaetɨ omboresive.

San Juan 1:7

Jae ou omombeu vaerä jókuae tembipe regua, opaete vae reta güɨrovia vaerä jei vae rupi.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

San Juan 2:23

Jesús oï ramboeve Jerusalén pe arete Pascua pe, jeta vae güɨrovia jese oecha yave jókuae mɨakañɨ reta oyapo vae.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 3:18

Güɨrovia jese vae, ngaraa oñejäauka. Ërei mbaetɨ güɨrovia jese vae oñejäauka ma ko. Echa mbaetɨ güɨrovia Tumpa Taɨ jaevaeño vae re.

Hechos 3:16

Kuae kuimbae pe reta peecha jare peikuaa vae okuera ko Jesús jee re güɨrovia ramo. Kuae iporogüɨrovia Jesús re vae ombogüera ete pe reta peecha peï rami.

Romanos 8:14

Echa opaete Espíritu Santo jemimbota re yogüɨreko vae reta, Tumpa taɨ reta ko.

Romanos 8:16

Espíritu Santo etei oikuaauka yandeve yande ko jae Tumpa taɨ reta.

Romanos 8:19

Echa opaete Tumpa jembiapo oäro ñogüɨnoi ikɨ̈reɨ yae reve Tumpa oechauka vaerä taɨ reta.

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Colosenses 2:6

Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

2 Pedro 1:4

Jókuae mbaembae rupi Tumpa oyapo yandeve morogüɨrökuavee ikavigüe yae jare tuichagüe, jókuae rupi ñanoi ma jae omee yandeve vae, peeya ramo opaete ikavimbae ɨvɨ pegua soo jemimbota rupi oime vae.

1 Juan 3:1

Mase, kërai yandeRu Tumpa yanderaɨu yae, ñanereenɨi jae taɨ retarä. Jáeramo ɨvɨ pegua reta mbaetɨ yandekuaa, echa jae reta mbaetɨ oikuaa Tumpa.

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.

1 Juan 3:23

Jare Tumpa yandeokuai vae jae ko yarovia vaerä Taɨ Jesucristo jare yayoaɨu päve vaerä jae yandeokuai rami.