JOSUÉ 7:6 - Biblia Guarani Tumpa Iñee

⁶ Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

JOSUÉ 7:6 Iomraidhean Croise

GÉNESIS 37:29

Jaɨkue rupi Rubén ojo ye omae ɨvɨkua re, jare oecha José mbaetɨ ma oï pɨpe yave omondoro jemimonde ipɨatɨtɨ güi.

GÉNESIS 37:34

Jayave Jacob omondoro jemimonde, jare oyemonde temimonde mbɨatɨtɨ pegua pe, jökorai ipɨatɨtɨ oiko ɨma ara rupi taɨ re.

2 SAMUEL 1:11

Jayave David jare jae ndive kuimbae reta ñogüɨnoi vae omondoro reta jemimonde ipɨatɨtɨ güi,

2 SAMUEL 1:12

oäpiro reta Saúl jare taɨ Jonatán, jare tëta Israel yandeYa imbae ñamɨri vae; ipɨatɨtɨ jare oyekuaku reta tembíu güi kaaru regua.

2 SAMUEL 1:2

Mboapɨa ara pe, ou metei kuimbae Saúl jeyupa güi, jemimonde opa ipächa jare iñäka ɨvɨ katuai ipɨatɨtɨ güi; ou oväe David oïa pe yave, oyetavatɨka itindɨasɨ ɨvɨ re omboete reve.

2 SAMUEL 12:16

Jayave David omoñera Tumpa michia raɨ re; jare oyekuaku tembíu güi, oike jo pe jare oyapakua ɨvɨ re, jökorai iköe.

2 SAMUEL 13:19

Jayave Tamar oipɨɨ tanimbu jare oñono iñäka re jare omondoro jemimonde jeta ipïra vae, jare ipo oñono reve iñäka re jäse oyaeo ojo oiko.

2 SAMUEL 13:31

Jayave David opüa jare omondoro jemimonde ipɨatɨtɨ güi jare oyapakua ɨvɨ pe, jare opaete imborɨa reta ñogüɨnoi jae ndive vae reta omondoro vi jemimonde;

2 REYES 22:11

Javoi mburuvicha guasu oendu yave jókuae tembikuatía pe mborookuai oï vae, omondoro jemimonde ipɨatɨtɨ güi,

2 CRÓNICAS 34:19

Jare mburuvicha guasu oendu yave jókuae tembikuatía mborookuai regua, omondoro jemimonde ipɨatɨtɨ güi,

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

NEHEMÍAS 9:1

Jókuae yasɨ yeño, veinticuatro araa pe, oyemboatɨ Israel iñemuña reta oyekuaku reve tembíu güi jare oyemonde reve temimonde mbɨatɨtɨ pegua pe, oñono reta reve ɨvɨ iñäka re ipɨatɨtɨ güi,

ESTER 4:1

Mardoqueo oikuaa kavi ma oyeapogüe yave, omondoro jemimonde reta, jare oyemonde temimonde mbɨatɨtɨ pegua pe, tanimbu oñono iñäka re jare oë tëta guasu rupi ipɨatɨtɨ yae jare oyaeo jäse reve.

ESTER 4:3

Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

JOB 2:12

Kuae reta, mombɨrɨ güive omopüa iñäka omae, ërei mbaetɨ oikuaa reta, jare jäse oyaeo reta; jare metei ñavo vae omondoro jemimonde ipɨatɨtɨ güi, jare mboapɨ reve omoai reta ɨvɨkúi ara kotɨ iñäka iárambo, omboyekuaa ipɨatɨtɨ.

JOB 42:6

Jáeramo añemotareɨ, jare cheyemongeta aipoepɨ aguapɨ reve ɨvɨkúi jare tanimbu pe, chepɨatɨtɨ güi.

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

NÚMEROS 14:6

Jare Josué, Nun taɨ jare Caleb, Jefone taɨ, kuae reta ko jókuae ɨvɨ re opa yogüɨraja omae vae, omondoro reta jemimonde ipɨatɨtɨ güi,

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

NÚMEROS 16:45

¡Pesɨrɨ katu kuae oyemboatɨ vae reta güi, amokañɨteita aramoete pegua! Moisés jare Aarón oyetavatɨka itindɨasɨ reta reve ɨvɨ re,

Hechos 14:14

Ërei temimondo reta kuae oikuaa yave, omondoro reta jemimonde, jare oike yatɨ vae reta ipɨte pe, jare iñeeäta reve jei chupe reta:

JOSUÉ 7:7

Jare Josué jei: —¡CheYa Tumpa! ¿Maera pa reroasa kuae tëta ɨ̈aka Jordán? ¿Amorreo reta pe oremee vaerä pa, opa oremokañɨtei vaerä pa? ¡Ropɨtañota tëi yepe ɨ̈aka Jordán jovaicho pe!

Apocalipsis 18:19

Jare oñono reta ɨvɨkúi iñäka re osapúkai reve oyaeo reve jare oapïro reve jei reta: “Paravete tëta guasu, imbaembae pe oyemboikokatu barco iya reta. ¡Echa iparanoe opa oyemboai!

JUECES 11:35

Jayave, jae oecha yave tayɨ, omondoro jemimonde jei reve: —¡Cherayɨ, tuicha chembopɨatɨtɨ! ¡Nde etei reyu chepɨatɨtɨrä, echa añererökuavee ko yandeYa pe, jókuae ambopota ko chupe!

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

JUECES 21:2

Ërei oyemboatɨ reta Bet-el pe jare ñogüɨnoi reta Tumpa jóvai pɨ̈tu regua, jäse reve oyaeo jare jei reta:

1 SAMUEL 4:12

Jare jókuae ñeraroa güi otekuarai metei kuimbae Benjamín iñemuña pegua, ojo oväe jókuae ara voi Silo pe. Ipächa jemimonde jare iñäka ɨvɨ katuai.