JOSUÉ 2:9 - Biblia Guarani Tumpa Iñee

⁹ —Aikuaa peYa ko omee peve kuae ɨvɨ; echa opaete ore rokɨɨye yae pegüi. Opaete kuae tëta guasu pegua reta okɨɨye yae ko ñogüɨnoi pereko pegua.

JOSUÉ 2:9 Iomraidhean Croise

GÉNESIS 35:5

Jare oë reta ma yave joko güi, Tumpa omee okɨɨye yae vaerä opaete tëta iyɨvɨrigua reta, jare mbaetɨ oaɨkuemoña reta Jacob taɨ reta.

2 SAMUEL 17:10

Jökorai yave kuimbae jëia yae yagua rami vae ave ko ipɨtu yaeta; echa opaete Israel pegua reta oikuaa ko nderu jare jupiegua reta, jëia yae vae reta ko.

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

2 REYES 7:6

Echa yandeYa yepe oyapo Siriaɨgua reta jeyupa pe oyeendu vaerä käretou reta oguata vaeecha, oyeendu kavayu regua reta yogüeru vaeecha, jare jeta sundaro reta yogüeru vaecha oyeendu; jare Siriaɨgua reta oyemongeta mburuvicha guasu Israel pegua omboepɨ Het iñemuña reta juvicha guasu pe, jare Egiptoɨgua reta juvicha guasu pe oporepeña vaerä jese reta.

NEHEMÍAS 6:16

Jare kuae oendu opaete orerovaicho reta yave, okɨɨye opaete vae tëta guasu reta oreɨ́vɨri ñogüɨnoi vae, jare oyandu oñemomichiuka yae opɨta reta, echa oikuaa oreTumpa imbaepuere rupi oyeapo kuae mbaravɨkɨ vae.

ESTER 8:17

Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

JOB 19:25

Che aikuaa ko cheReepɨ vae oikove, jare taɨkue ete rupi opüa ñotai ko chereepɨ.

SALMOS 112:10

Iyoa vae oecha yave, iyarasɨta; ombokɨrɨrɨuta jäi, ërei okañɨteita, iyoa vae reta jemimbota opata.

SALMOS 115:16

Ara reta yandeYa imbae ko, jare ɨvɨ omee kuimbae reta pe.

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ÉXODO 23:27

Che amondota perenonde kɨɨye; amongɨɨyeta pegüi opaete tëta peikea rupi, ambotekuaraita opaete perovaicho reta perenonde güi.

ECLESIASTÉS 8:12

¡Yepe tëi iyoa vae, jeta iyoa reve oikopuku! Ërei che aikuaa vae, jae ko, yogüɨreko kavita Tumpa güiño oipoɨu vae, jaeño omboete vae;

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 23:5

Egiptoɨgua reta oikuaa yave, ipɨatɨtɨ yaeta, Tiro oasa vae jërakua yave chupe reta.

JEREMÍAS 27:5

Che chembaepuere pe ko ayapo ɨvɨ, kuimbae jare mɨmba reta ñogüɨnoi ɨvɨ iárambo vae, jare amee che aipota vae pe.

NAHUM 2:10

Oyemboai jare ipombae opɨta, jökorai opɨta Nínive. Ipɨakɨɨye yae reta, orɨrɨi itava reta, opaete vae pe oata mɨ̈rata jare jova ambuae yae opɨta reta.

NÚMEROS 20:14

Moisés omondo ɨvɨ Cades güi, jekovia pe kuimbae reta imiari vaerä Edom iñemuña reta juvicha guasu ndive, jei reve: “Körai jei nerëtara Israel iñemuña reta: ‘Nde reikuaa jeta mbaembae ou oreve vae.

NÚMEROS 20:24

“Aarón omanota ma, ngaraa oike Israel iñemuña reta pe ɨvɨ amee vae pe, peyembopɨapochɨ cheporookuai kotɨ Meriba pe jeko pegua.

San Mateo 20:15

Agüɨye ndeakatúä kuae ïru vae pe chepɨakavi chupe jeko pegua. Echa jupi ko che aipota vae ayapo vaerä chembaembae ndive.’

DEUTERONOMIO 11:25

Ngaraa etei kia ipuere peré, yandeYa Tumpa oñonota kɨɨye jare orɨrɨi vaerä pegüi opaete ɨvɨ rupi peoa rupi, jae jei peve rami.

DEUTERONOMIO 2:25

Añave güive amboɨpɨta añono kɨɨye rai opaete tëta reta re pegüi; oendu yave peregua, ipɨatɨtɨta jare orɨrɨita pegüi.’

DEUTERONOMIO 28:10

Jare opaete tëta reta oikuaata pe reta ko yandeYa peño peyerure vae, jare okɨɨye retata pegüi.

DEUTERONOMIO 32:8

Imbaepuere yae ete vae omboyao yao yave ɨvɨ tëtaguasu reta pe, jare kuimbae reta ɨvɨ ipo ave opa omboyao yao yave, ojäa ɨvɨ jembeɨ ñavo, Israel iñemuña reta iñavo,

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

JOSUÉ 2:11

Kuae roendu ramboeve, opaetei rorɨrɨi rokɨɨye güi; mbaetɨ etei mɨ̈rata opɨta metei kuimbae re ave pereko pegua, echa peYa Tumpa, jae ko Tumpa ɨvate ara pe jare kuae ɨvɨ pe.

JOSUÉ 2:24

Jei reta Josué pe: “YandeYa omee yandepo pe opaete kuae ɨvɨ. Opaete kuae ɨvɨ ipo reta ipɨtu ñogüɨnoi yanderenonde.”

JOSUÉ 2:8

Jayave jókuae kuimbae oporopïaro vae reta ndei oke mbove, Rahab oyeupi jae reta ñogüɨnoia pe o iárambo, jare jei chupe reta:

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

JOSUÉ 6:2

Ërei yandeYa jei Josué pe: “Mase, che amee Jericó ndepo pe, jare joko pegua mburuvicha guasu opaete kuimbae ñeraro regua ndive.

JOSUÉ 9:10

jare opaete oyapo jókuae mókoi mburuvicha guasu reta pe vae, amorreo reta juvicha guasu yogüɨreko ɨ̈aka Jordán jovaicho kotɨ vae pe: Sehón mburuvicha guasu Hesbón pegua pe jare Og mburuvicha guasu Basán pegua pe, Astarot pe oikose vae.

JOSUÉ 9:24

Jare Gabaón pegua reta jei Josué pe: —Royapo ko kuae, echa rokɨɨye yae nde opata oreyuka vae güi, echa jërakua oreve, peYa Tumpa oyókuai jembiokuai Moisés, omee vaerä peve opaete kuae ɨvɨ jare pemokañɨtei vaerä opaete kuae ɨvɨ pe yogüɨreko vae reta.

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,

JUECES 7:14

Jare iñeïru jei chupe: —Kuae mbaetɨ ye ïru mbae, Gedeón, Joás Israel iñemuña pegua taɨ ikɨsepuku ko, Tumpa ko opa omee ipo pe Madián iñemuña reta, opaete jeyupa ndive.