JOSUÉ 12:3 - Biblia Guarani Tumpa Iñee

³ jare ɨvɨpe kavi Arabá güive Ɨguasu Cineret kotɨ, kuaraɨ oëa kotɨ; Ɨguasu Jembochɨ vae kuaraɨ oëa kotɨ, Bet-jesimot tape ojoa rupi jare arayevɨ kotɨ ɨvɨtɨ Pisga igüɨ pe.

JOSUÉ 12:3 Iomraidhean Croise

GÉNESIS 14:3

Kuae pandepo mburuvicha oyomboatɨ ɨvɨtɨ päu ipe kavi vae Sidim pe, jae ko Ɨguasu Jembochɨ vae jembeɨ pe.

GÉNESIS 19:25

jökorai opa omboai jókuae tëta reta jare opaete ɨvɨpe kavi ipo reta jare opaete mbaembae reta iagüe.

1 REYES 15:20

Ben-adad omokɨ̈reɨ, jókuae mburuvicha guasu Asa jei chupe vae, jayave omondo isundaro itenondegua reta oporepeña Israel pegua tëta guasu reta re. Jökorai opɨ̈ro Ijón, Dan, Abel-bet-maaca, jare opaete Cineret, jare opaete ɨvɨ Neftalí.

EZEQUIEL 25:9

Jáeramo amombuta jare aipeata tape Amón pegua reta iɨvɨ jembeɨ kotɨ, tëta guasu reta jembeɨ pegua rupi; opaeteita amboai tëta guasu jërakua yae vae reta Bet-jesimot, Baal-meón jare Quiriataim.

NÚMEROS 21:20

jare Bamot güi ɨvɨtɨ päu ipe kavi vae oï ɨvɨ Moab pe vae kotɨ, ɨvɨtɨ Pisga iyapɨte re, ñuu kotɨ omae oï vae re.

NÚMEROS 34:11

jare joko güi perogüeyɨta Ribla rupi, Aín güi kuaraɨ oëa kotɨ rupi; joko güi perogüeyɨta Ɨguasu Cineret jee vae jembeɨ kuaraɨ oëa kotɨ rupi,

San Lucas 5:1

Jare metei ara Jesús oï ramboeve ɨupa guasu Genesaret jee vae jembeɨ pe, jeta vae yatɨ jese oyeapɨsaka vaerä Tumpa iñee re.

San Juan 6:1

Kuae jaɨkue rupi Jesús ojo Ɨguasu Galilea jovaicho pe. Jókuae ɨguasu jee vi Tiberias.

DEUTERONOMIO 3:17

Jaeramiño vi amee ɨvɨ Arabá, Jordán güɨnoi jókuae ɨvɨ jembeɨrä; oyemboɨpɨ Ɨguasu Cineret güive Ɨguasu Jembochɨ vae, jare ɨvɨtɨ Pisga re kuaraɨ oëa kotɨ.

DEUTERONOMIO 4:49

Jare opaete Arabá Jordán güi kuaraɨ oëa kotɨ, Ɨguasu Jembochɨ vae kotɨ, ɨvɨtɨ Pisga igüɨ pe.

JOSUÉ 11:2

jare mburuvicha guasu reta jókuae ɨvɨ güi ɨvɨtuguasu kotɨ ɨvɨtɨ guasu rupi jëta vae reta pe, jare Arabá kotɨ, íguasu Cineret güi arayevɨ kotɨ, ɨvɨpe kavi rupi yogüɨreko vae pe jare ɨvɨ Dor kotɨ kuaraɨ oikea kotɨ,

JOSUÉ 13:20

Bet-peor, ɨvɨtɨ guasu Pisga ikúa, Bet-jesimot,

JOSUÉ 15:2

arayevɨ kotɨ jembeɨ oï vae jae ko ɨguasu Jembochɨ vae jembeɨ güive, ɨguasu oyemboɨpɨ arayevɨ kotɨgua vae güive,

JOSUÉ 15:5

Ɨvɨ jembeɨ kuaraɨ oëa kotɨgua jae ko Ɨguasu Jembochɨ vae, jare jembeɨ ɨvɨtuguasu kotɨgua oyemboɨpɨ Ɨguasu Jembochɨ vae pe ɨ̈aka Jordán ou oyeaa pe,

JOSUÉ 3:16

jare ɨ ou ɨvate kotɨ güi vae opa opɨta meteia pe mombɨrɨ tëta Adam güi, tëta Saretán iyɨpɨ pe oï vae; jare ɨ ogüeyɨ Arabá, Ɨguasu Jembochɨ vae kotɨ vae opa tɨpa. Jökorai ɨ oyemboyao; jare opaete vae oasa Jericó oïa re katu.