JOSUÉ 1:8 - Biblia Guarani Tumpa Iñee

⁸ Agüɨye embosɨrɨ ndeyuru güi kuae mborookuai, ara pe jare pïtu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.

JOSUÉ 1:8 Iomraidhean Croise

GÉNESIS 24:63

Oë yepe jae omae ñuu rupi kaaru yave, jare oupi iñäka, oecha camello reta yogüeru.

2 CRÓNICAS 26:5

Oyeko Tumpa kotɨño Zacarías oikove oiko ramboeve, echa jae omboe oipoɨu vaerä Tumpa güiño; yandeYa reño oyeko ramboeve, oë kavi chupe opaete mbaembae.

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

SALMOS 119:15

Ayemongetata ndeporookuai reta re, jare ayapota nde reipota vae.

SALMOS 119:97

¡CheYa, aaɨu yae ndeporookuai reta! ¡Chekaaruiño ayemongeta jese!

SALMOS 119:99

Ayapɨraa yé aikuaa kavi, chemboe vae reta güi, echa ayemongeta avei ndeporookuai reta re.

SALMOS 19:14

Ñee reta ikavigüe toë cheyuru güi, jare chepɨa güi cheyemongeta oë vae nderóvai, cheYa Tumpa, ita guasu cheñepɨ̈roa, chereepɨ vae.

SALMOS 40:10

Mbaetɨ cheyeño anoi nde ko jupi vae, amoërakua jupi reyapo vae jare reporogüɨroasayepe vae. Mbaetɨ aikuaku ndeporoparareko jare neñee añete vae yemboatɨ tuicha vae rupi.

PROVERBIOS 3:1

Cheraɨ, agüɨye neakañɨ cheporookuai güi, eñovatu ndepɨa pe cheporookuai reta,

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

San Mateo 12:35

Kuimbae ipɨa ikavi vae, jei mbae ikavigüe vae. Jare kuimbae ipɨa ikavimbae, jei vi mbae ikavimbae.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Mateo 7:21

Ngaraa opaete: ‘CheYa, cheYa’ jei cheve vae oike araɨgua mborookuaía pe. Jaeño oiketa cheRu ara pe oï vae jemimbota oyapo vae.

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Juan 13:17

Kuae peikuaa jare peyapo yave, peyeroviata yaeta ko.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

DEUTERONOMIO 29:8

jare opa ñapɨ̈ro iɨvɨ chugüi reta, jare ñamee Rubén jare Gad iñemuña reta imbaerä jare Manasés iñemuña reta oyemboyaogüe vae imbaerä.

DEUTERONOMIO 29:9

Jáeramo, peñovatu ñee reta kuae morogüɨrökuavee päve pegua, peyapo jeigüe, oë kavi vaerä peve opaete mbaembae peyapo vae.

DEUTERONOMIO 30:14

Echa köi yae ko oï pegüi mborookuai, oï ko peyuru pe, pepɨa pe, pepuere vaerä peyapo.

DEUTERONOMIO 31:11

opaete Israel iñemuña reta yogüeru yandeYa Tumpa jóvai, jae oiparavoa pe yave, toyemongeta chupe reta kuae mborookuai.

DEUTERONOMIO 31:24

Moisés opa oikuatía kuae mborookuai reta metei tupapire pe yave,

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:32

Jayave, peyapo yandeYa Tumpa peokuai rami, agüɨye pepia chugüi kërai ave yepe.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

JOSUÉ 1:7

Jaeño eñemomïrata jare eñemoäta ngatu yae, reyeandu reve reyapo vaerä opaete mborookuai reta cherembiokuai Moisés ndeokuai vae; agüɨye epia chugüi ketɨ ave yepe, opaete mbaembae reyapo vae oë kavi vaerä ndeve.

JOSUÉ 8:34

Jaɨkue rupi omongeta opaete mborookuai: Mborerekua jare yepopeyu opaete oyekuatía oï rami.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.