JOSUÉ 1:7 - Biblia Guarani Tumpa Iñee

⁷ Jaeño eñemomïrata jare eñemoäta ngatu yae, reyeandu reve reyapo vaerä opaete mborookuai reta cherembiokuai Moisés ndeokuai vae; agüɨye epia chugüi ketɨ ave yepe, opaete mbaembae reyapo vae oë kavi vaerä ndeve.

JOSUÉ 1:7 Iomraidhean Croise

1 REYES 2:2

“Opaete ɨvɨ pegua yogüɨrajaa rupi che jaema vi ajata. Eñemoäta ngatu jare eyembokuimbae.

1 REYES 2:3

Eyapo ndeYa Tumpa jeigüe, jae jemimbota jare iporookuai reta, mborookuai oyeapo vaerä vae eyapo oyekuatía oï rami, mborookuai reta Moisés oikuatiagüe, opaete mbaembae reyapogüe oë kavi vaerä ndeve, jare kerupi reoa rupi.

2 REYES 22:2

Oyapo ikavi vae yandeYa jesa róvai, oiko iñemuñagüe David oiko rami kavi, opiambae reve ketɨ ave.

1 CRÓNICAS 22:13

Opaete oë kavita ndeve reyapo yave mborookuai reta jeigüe yandeYa oyókuai Moisés Israel peguarä vae. ¡Eñemoäta ngatu agüɨye eyembopɨtu agüɨye ekɨɨye!

2 CRÓNICAS 15:7

Ërei pe reta peñemoäta ngatu, agüɨye peyembopɨtu, echa perembiapo reta oimeta jekovia peve.”

2 CRÓNICAS 26:5

Oyeko Tumpa kotɨño Zacarías oikove oiko ramboeve, echa jae omboe oipoɨu vaerä Tumpa güiño; yandeYa reño oyeko ramboeve, oë kavi chupe opaete mbaembae.

JOB 1:8

Jare yandeYa jei Satanás pe: —¿Reikuaa pa cherembiokuai Job, kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae?

SALMOS 80:19

CheYa, Tumpa Imbaepuere yae ete vae, ¡oremopüa pɨau ye! ¡Emae oreré jare orereroasayepe!

PROVERBIOS 4:27

Agüɨye epia ketɨ ave; agüɨye emomoe ikavimbae.

PROVERBIOS 8:20

Che aja tape isɨmbi vae rupi, tape ikavigüe rupi.

DANIEL 10:19

jare jei cheve: ‘Agüɨye ekɨɨye, agüɨye ndepɨatɨtɨ. Tumpa jembiaɨu; ¡eñemoäta ngatu jare agüɨye eyembopɨtu!’ Chemomiari ramboeve, ayandu chetäta ye jare jae: ‘Nemiari cheya, echa chemomɨ̈rata ye ma.’

NÚMEROS 27:23

Oñono ipo jese, omee vaerä mbaravɨkɨ chupe, yandeYa oyókuai Moisés vae rami.

DEUTERONOMIO 11:8

Peyapo opaete mborookuai reta amombeu añave peve vae, penoi vaerä mbaepuere jare peike pepɨ̈ro ɨvɨ peota peiko pɨpe vae.

DEUTERONOMIO 12:32

Peyapo avei opaete poyókuai vae, pemoïrumbae reve ani peekɨmbae reve.

DEUTERONOMIO 28:14

mbaetɨ yave pepia kërai ave yepe opaete che jae peve vae güi pemboete vaerä tumpa ambuae jare peyeokuai chupe.

DEUTERONOMIO 29:8

jare opa ñapɨ̈ro iɨvɨ chugüi reta, jare ñamee Rubén jare Gad iñemuña reta imbaerä jare Manasés iñemuña reta oyemboyaogüe vae imbaerä.

DEUTERONOMIO 29:9

Jáeramo, peñovatu ñee reta kuae morogüɨrökuavee päve pegua, peyapo jeigüe, oë kavi vaerä peve opaete mbaembae peyapo vae.

DEUTERONOMIO 31:7

Javoi Moisés oenɨi Josué jare jei chupe opaete Israel iñemuña reta jovake: “Eñemomɨ̈rata jare eñemoäta ngatu; echa nde rerajata kuae tëta jókuae ɨvɨ yandeYa güɨrökuavee jee re omee vaerä peñemuñagüe reta pe vae pe, nde reroiketa remee chupe reta.

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

DEUTERONOMIO 5:32

Jayave, peyapo yandeYa Tumpa peokuai rami, agüɨye pepia chugüi kërai ave yepe.

JOSUÉ 1:1

Moisés, yandeYa jembiokuai omano güire, yandeYa jei Josué, Nun taɨ Moisés imborɨa pe:

JOSUÉ 1:8

Agüɨye embosɨrɨ ndeyuru güi kuae mborookuai, ara pe jare pïtu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JOSUÉ 11:15

YandeYa oyókuai Moisés vae rami, jökorai Moisés oyókuai Josué; jare jökorai Josué oyapo, oeyambae reve metei ave ñee yandeYa oyókuai Moisés vae.

JOSUÉ 23:6

Peñemoäta ngatu peyapo vaerä opaete Moisés iporookuai reta kuae tupapire pe oyekuatía oï vae, pepiambae reve chugüi ketɨ ave yepe;