JONÁS 3:8 - Biblia Guarani Tumpa Iñee

⁸ Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

JONÁS 3:8 Iomraidhean Croise

JOB 16:17

yepe tëi mbaetɨ ikavimbae ayapo, yepe tëi cheyerure jupi rupi.

JOB 36:10

Imiari chupe reta oyembosɨmbi vaerä, jare jei chupe reta oyepoepɨ vaerä iyoa reta güi.

ISAÍAS 58:6

Ambuae ko. Yekuaku tembíu güi chembopɨakatu vae ko jae: Yeyora jupimbae güi vae, yeyora tembiporara güi vae, ipɨatɨtɨ vae re pemaeño ojo vae jare peporoyora oipotagüe mbae güi vae;

ISAÍAS 59:6

Jókuae ñanutirapaa mbaetɨ ikavi temimonderä; mbaetɨ kia ipuere oyemonde pɨpe. Opaete perembiapo reta yoyuka yepeai, pemaepɨ̈ro vaeräño peiko.

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 26:3

Güɨramoi oendu reta, jare oeya reta metei vae ñavo jeko kavimbae; jayave che aipoepɨta cheyemongeta, ayapota tëi ikavimbae chupe reta vae, jembiapo reta ikavimbae jeko pegua re vae.

JEREMÍAS 36:3

Güɨramoi Judá pegua reta oendu opaete susere reta ayemongeta ambou vaerä chupe reta vae yave, oeya reta jeko kavimbae, javoi che cheɨ̈rota jeko kavimbae jare iyoa reta re chupe reta.”

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

JOEL 1:14

Pemoërakua opaete vae pe oyekuaku vaerä tembíu güi, peyapo yemboatɨ; pemboatɨ opaete tenondegua reta jare opaete kuae ɨvɨ pe yogüɨreko vae reta, peyomboatɨ kuae yandeYa Tumpa jo pe jare peyerure chupe.

JONÁS 1:14

Jayave osapúkai reta yandeYa kotɨ, jei reta: “Romoñera añave oreYa, agüɨye toromano kuae kuimbae jekove jeko pegua, ërei jekoä yave, agüɨye oremboeko imano re; echa nde oreYa reyapo ko nde reipota rami.”

JONÁS 1:6

Jayave barco pe oparavɨkɨ vae reta juvicha oecha jare jei chupe: —¿Maratu pa reiko, nderopeɨ mbatee? ¡Epüa jare eyerure neTumpa pe! Güɨramoi jae yandepararekota, agüɨye vaerä ñamano.

San Mateo 3:8

peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”