JONÁS 1:3 - Biblia Guarani Tumpa Iñee

³ Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

JONÁS 1:3 Iomraidhean Croise

GÉNESIS 3:8

Oendu reta yandeYa Tumpa kó rupi oguata oiko kaaru yave, jare kuimbae oñemi jembireko ndive yandeYa Tumpa güi, ɨvɨra pɨte pe kó pe.

GÉNESIS 4:16

Caín ojo yandeYa ndive imiari oikoa güi, oë jókuae ɨvɨ güi; ojo oiko vaerä ɨvɨ Nod jee vae kotɨ. Jókuae ɨvɨ oï Edén güi kuaraɨ oëa kotɨ.

1 REYES 19:3

Jare Elías oecha mbaetɨta ikavi ramo, opüa jare ojo, güɨroasayepe vaerä jekove, jare ou tëta Beerseba pe ɨvɨ Judá pe, jare joko pe oeya jembiokuai.

1 REYES 19:9

Joko pe oike metei ɨvɨkua pe, jare joko pe oke. Jare yandeYa jei chupe: “¿Mbae pa reyapo kuae pe Elías?”

2 CRÓNICAS 2:15

Jáeramo cheruvicha, embou ore nderembiokuai reta pe añave: Trigo, cebada, asaite jare vino, jókuae rerökuavee vae.

2 CRÓNICAS 2:16

Jare toroyasɨa Líbano pe ɨvɨra nde reipota vae, jare rogüɨrajata ndeve barco pe ɨguasu rupi Jope pe. Jare joko güi nde erajauka Jerusalén pe.”

2 CRÓNICAS 9:21

Echa mburuvicha guasu ibarco ojo Tarsis pe oväe Hiram jembiokuai reta ndive, jare mboapɨ añoa pe metei vese ou barco Tarsis güi, güeru oro, korepoti, elefante jäimbukugüe, machi, jare pavo júguai puku ipara vae.

ESDRAS 3:7

Jare omee reta korepoti, o iyapoa reta pe jare ipoki oparavɨkɨ ɨvɨra pe vae reta pe, Tiroɨgua reta pe jare Sidón pegua reta pe omee tembíu, vino jare olivo iasaite güeru reta vaerä ɨ̈vɨrare Líbano güi ɨguasu rupi Jope pe, Ciro mburuvicha guasu Persia pegua jei rami.

JOB 1:12

YandeYa jei Satanás pe: —Mase, ko oï ndepo pe opaete mbaembae reta güɨnoi vae; ërei chupe etei agüɨye mbae eyapo. Jare Satanás oë ojo yandeYa jóvai güi.

JOB 2:7

Jayave Satanás oë yandeYa jóvai güi, jare omombaerasɨ Job, kuru yavaete yae vae pe; ipɨ güive ojoi iyapɨte pe oväe.

SALMOS 107:23

Maemee regua reta oa ɨguasu pe, jare ibarco pe oasa reta ɨguasu,

ISAÍAS 2:16

opaete barco Tarsis pegua reta, jare opaete ipöra yae oñemopɨ̈ta vae reta rami vae.

ISAÍAS 23:1

Tiro maratuta vae regua: Peräse peyaeo barco Tarsis pegua reta, echa tëta Tiro opa oyemboai, mbaetɨ jembɨre o ave yepe, barco reta iyemboɨa opa vi oyemboai, Quitim kotɨ güi omombeu reta chupe.

ISAÍAS 23:10

Peasa, Tarsis pegua reta, peɨvɨ rupi ɨ̈aka oï vae rupi ɨ oasa rami, echa mbaetɨ yeta ma pembaepuere.

ISAÍAS 23:6

Jei retata: “Pekua Tarsis pe, peräse peyaeo, ɨguasu jembeɨ rupigua reta.”

ISAÍAS 60:9

Jae ko barco guasu reta yogüeru Tumpa kotɨ vae, tenonde ou barco reta Tarsis pegua, güeru reve nemembɨ Israel iñemuña reta mombɨrɨ güi, ioro ndive jare ikorepoti ndive, ndeYa Tumpa, Iyoambae Israel pegua jee re, jae ko ndemboeteuka vae.

JEREMÍAS 10:9

Tarsis güi güeru reta korepoti oyemboipegüe itumpa-raangarä, jare oro güeru reta Ufaz güi; ipoki omondɨkui mbae omopöra oyapogüe ko, omboemimonde temimonde jovɨ vae jare pɨ̈ta vae pe; opaete kuae reta, ipoki mbae oyapo vae reta jembiapoño ko.

EZEQUIEL 2:8

Ërei nde kuimbae, eyeapɨsaka che jae ndeve vae re, agüɨye neñeereenduä jae reta iñeereenduä rami, eyurupeka jare jeu ameeta ndeve vae.”

EZEQUIEL 27:12

Tarsis pegua reta ombaegua ndegüi jeta yae ndembaeyekou ramo; oipoepɨ reta ndembaembae renoi vae korepoti ndive, jiero ndive, estaño ndive jare plomo ndive.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

JONÁS 1:10

Jare jókuae kuimbae reta okɨɨye yae, jare jei reta chupe: —¿Maera pa ko kuae reyapo? Echa jae reta oikuaa, otekuarai ko yandeYa güi vae, echa jae etei yepe omombeu chupe reta.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

San Lucas 9:62

Ërei Jesús jei chupe: —Ombaeara vae mbaetɨ ko omae jaɨkue kotɨ. Jókuae nunga ngaraa ikavi Tumpa iporookuaía peguarä.

Hechos 15:38

Ërei Pablo pe mbaetɨ jaekavi güɨraja vaerä jae reta jupíe. Echa jae ou ye Panfilia güi chugüi reta, jare ojoä jae reta ndive Tumpa iparavɨkɨ oyapo vaerä.

Hechos 26:19

Jáeramo, mburuvicha guasu Agripa, mbaetɨ cheäteɨ ayapo vaerä Tumpa oechauka cheve vae,

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Hechos 9:38

Jare Lida köiño oï Jope güi ramo, oporogüɨrovia vae Jope pegua reta oikuaa Pedro oï Lida pe, jayave omondo reta ikotɨ mókoi kuimbae jei vaerä chupe: “Ekua Jope pe ɨmambae.”

Hechos 9:42

Jókuae jërakua opaete Jope pegua reta pe. Jare jeta vae güɨrovia yandeYa re.

Hechos 9:43

Jare Pedro opɨta ɨma Jope pe. Oiko metei guakapi imopɨ̈taa Simón jee vae jo pe.

1 Corintios 9:16

Yepe tëi amoërakua ñee ikavi vae, ërei ngaraa ayemboete jókuae re. Echa yandeYa cheokuai amoërakua vaerä. ¡Këraita pa aiko mbaetɨ yave amoërakua ñee ikavi vae!

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

JOSUÉ 19:46

Mejarcón jare Racón, tëta Jope jóvai ɨvɨ oï vae ndive.