JOEL 3:10 - Biblia Guarani Tumpa Iñee

¹⁰ Toyapo reta kɨsepuku iäsarou güi, jare jembiporu hoz güi toyapo reta mii; jëiambae tei: “¡Jëia vae ko che!”

JOEL 3:10 Iomraidhean Croise

2 CRÓNICAS 25:8

Ërei reipotañoi reñemoïru reo jae reta ndive reñeraro vaerä yave, Tumpa nemoamɨriukata tovaicho reta pe; echa Tumpa güɨnoi mbaepuere oporomborɨ vaerä jare oporomoamɨriuka vaerä.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

MIQUEAS 4:3

Jare oporojäata jeta vae tëta reta re, jare ombosɨmbita tëtaguasu reta imbaepuere yae vae jeko, mombɨrɨ ñogüɨnoi vae reta ave; jare opata oyapaso martillo pe ikɨsepuku reta, oyapo vaerä äsarourä jare imii reta oyapota tembiporu hozrä; tëtaguasu reta mbaetɨta ma oupi oyokotɨ kɨsepuku, jare ngaraa ye ma oime yemboe ñeraro peguarä.

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

San Lucas 13:12

Jesús oecha yave, oenɨi jei chupe: —Kuña, rekuera ma ko ndembaerasɨ güi.

San Lucas 22:36

Jayave Jesús jei ye chupe reta: —Ërei añave: Korepotirɨru güɨnoi vae togüɨraja, jare aporoka vi. Jare mbaetɨ güɨnoi kɨsepuku vae, tomee jemimonde, ogua vaerä metei kɨsepuku.