JOEL 2:30 - Biblia Guarani Tumpa Iñee

³⁰ jare ayapota mɨakañɨ tuichagüe ara re, jare ɨvɨ re tugüɨ, tata jare tätatina pɨtumimbi vae oimeta.

JOEL 2:30 Iomraidhean Croise

GÉNESIS 19:28

jare omae Sodoma kotɨ jare Gomorra kotɨ, jare vi opaete ñuu kotɨ, jare oecha tätati opüa opaete jókuae ɨvɨ güi, horno güi tätati opüa rami.

CANTARES 3:6

¿Kia pa jókuae ñuu kotɨ güi tätatiecha opüa oyekuaa ou vae, mirra jare incienso omoätati güeru vae?

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

ZACARÍAS 14:6

Jókuae ara mbaetɨta jembipe kavi, mbaetɨta vi pɨtumimbi.

San Mateo 24:29

“Opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe, jare yasɨtata reta oata ara güi, jare opaete ara rupi ñogüɨnoi vae reta okanata.

San Lucas 21:11

Oimeta ɨvɨkana tuichagüe. Oimeta karuai reta jare mbaerasɨ reta oipota rupi; oimeta kɨɨye jare mbaembae yavaetegüe oyekuaa ara re.

JOSUÉ 8:20

Jare kuimbae Hai pegua reta oyerova omae jaɨkue kotɨ yave, oecha reta jëta güi opüa tätati ara kotɨ. Mbaetɨ kerupi otekuarai reta vaerä, echa Israel iñemuña reta otekuarai yogüɨraja ñuu kotɨ vae, oyerova chupe reta.

Apocalipsis 18:18

jare osapúkai reta tëta guasu jätati oecha yave, jei reve: “¿Kia nunga tëta guasu pa omboyovake kuae tëta guasu?”

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.

Apocalipsis 8:7

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.

JUECES 20:38

Echa kuimbae oñemi kavi okätɨro ñogüɨnoi tëta ikupe rupi vae reta omombeu Israel iñemuña reta pe ikañɨmaa vaerä tätati ɨvate opüa vae rupi, opɨ̈ro ma yave tëta guasu.

JUECES 20:40

Jökorai yave omboɨpɨ oyekuaa tätati tëta guasu kotɨ, jare Benjamín iñemuña reta omae yave jaɨkue kotɨ oecha reta tätati opüa ɨvate.