JOEL 2:26 - Biblia Guarani Tumpa Iñee

²⁶ Pekaruta perïvɨata regua, pemboeteta peYa Tumpa jee, jeta mɨakañɨ reta oyapo pe ndive vae; jare ngaraa ye ma chembae vae reta oñemomaraiuka,

JOEL 2:26 Iomraidhean Croise

GÉNESIS 33:11

Romoñera reipɨɨ vaerä mbota aru ndeve vae, echa Tumpa chemboikokatu jare opaete mbaembae anoi vae chembae ko. Jacob jeta omoñera, Esaú oipɨɨ,

NEHEMÍAS 9:25

Jare opɨ̈ro reta tëta guasu oñekëse kavi ñogüɨnoi tëi vae, jare ɨvɨ kavi, o reta jeta mbaembae ikavigüe güɨnoi vae, ɨrɨru reta, uvarupa reta, ɨvɨra olivorupa reta, jare ïru ɨvɨra ia vae reta; okaru reta, oyemoangapɨɨ reta jare oyekou reta ndepɨakavi re.

SALMOS 103:5

jae ko chemoangapɨɨ ikavigüe pe, jare chembotaɨrusu avei güɨraké rami.

SALMOS 116:7

Añave chepuere ma aiko pɨagüive ye, echa yandeYa ipɨakavi chekotɨ;

SALMOS 13:6

¡Atairarita nde cheYa, echa nde reyapo ikavi vae cheve!

SALMOS 22:26

Okaruta yogüɨrekoasɨ katu vae reta, jɨ̈vɨata regua; yandeYa oeka vae reta, omboeteta, jare yogüɨrekopukuta.

SALMOS 37:19

Ngaraa oñemomaraiuka oime yave mbae oata, karuai yave jae reta güɨnoita tembíu.

SALMOS 67:5

CheRu Tumpa, opaete vae reta tandemboete; ¡opaete vae tëta reta tandemboete!

SALMOS 72:18

Toyemboete cheYa Tumpa, Israel iTumpa, jaeño ko mbaembae tuichagüe iyapoa.

PROVERBIOS 13:25

Jupi vae okaru jɨ̈vɨata regua, ërei iyoa vae oiporarata yɨmbɨaɨ.

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 29:22

Jáeramo, yandeYa, Israel iTumpa, oepɨ Abraham vae, jei Jacob iñemuña reta kotɨ: “Añave güive Jacob ngaraa ye ma oñemomaraiuka, ngaraa ye ma jova pɨ̈ta imara güi,

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

LEVÍTICO 25:19

yagüɨye kavita peremitɨ reta, jeta mbae penoita peu vaerä, jare peiko pɨagüiveta jókuae ɨvɨ pe.

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

LEVÍTICO 26:5

jare pearɨvogüe oupitɨta uva yagüɨye, jare uva yagüɨyegüe oupitɨ yeta maetɨ iara, jare peuta perembíu perɨ̈vɨata regua, jare peiko kavita pekɨɨyembae reve peɨvɨ pe.

MIQUEAS 6:14

Pekaruta, ërei ngaraa perɨ̈vɨata, pepɨatɨtɨ aveita peiko; peikota mboriau rupi, pemboatɨ tëita peyeupe, ërei ngaraa jembɨre peve jare pemoembɨregüe che ameeta perovaicho reta omboai vaerä pegüi.

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

ZACARÍAS 9:17

Echa ikavi jare ipöra yaeta iɨvɨ. Trigo jeta vae ombovɨakatuta taɨrusu vae reta, jare uva tɨɨgüe kuñatai reta.

Romanos 10:11

Echa Tumpa Iñee pe jei körai: “Opaete güɨrovia jese vae, ngaraa oñemomaraiuka.”

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

DEUTERONOMIO 11:15

Omeeta vi ñana reta jokɨ vaerä perɨmba reta peguarä, pekaruta jare perɨ̈vɨatata.

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 8:10

Pekaruta jare perɨ̈vɨatata, jare pemboeteta yandeYa Tumpa ɨvɨ kavi omee peve vae re.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

1 Juan 2:28

Añave, cheraɨ poaɨu vae reta, peiko avei jese, jökorai jae ou ye yave ñaïta jae jóvai yayerovia reve, agüɨye vaerä ñanemara ñañoövaiti jae ndive yave.