JOEL 2:23 - Biblia Guarani Tumpa Iñee

²³ ¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

JOEL 2:23 Iomraidhean Croise

1 REYES 8:36

eendu chupe reta ara güi, neɨ̈ro nderembiokuai reta iyoa re, Israel tëta ndembae pe, jare emboe reta tape kavi re jupi yogüɨrajata vae re. Jayave embou ama kuae ɨvɨ remee ndembae vae reta pe vae re.

JOB 33:23

Ërei oime yave köiño oï chugüi metei araɨgua, jeta vae güi metei timiari kavi chupe, kërai oiko vaerä vae re.

JOB 37:13

Opaete kuae reta rupi Tumpa oiporarauka ɨvɨ pe, ani oechauka vaerä ipɨakavi.

SALMOS 104:34

Chekɨ̈reɨ ngatu yaeta ayemongeta ikotɨ; che ayerovia katuta cheYa re.

SALMOS 147:8

Jae ko oyasoi ara amapɨtu pe, jae ko oñono kavi ama okɨ vaerä ɨvɨ re, jae ko ombokuakuaa ñana ɨvɨtɨ guasu reta re.

SALMOS 149:2

Israel iñemuña reta, peyerovia peApoa re; Sión pegua reta, peyerovia peRuvicha guasu re.

SALMOS 28:7

YandeYa jae ko cheñepɨ̈roa jëguambae jare cheyeopiaka, jese ayeko jare chemborɨ. Chemboyerovia, amboeteta tairari pe.

SALMOS 32:11

Peyerovia yandeYa re, pepɨakatu jupi vae reta; petairari yerovia katu ndive, opaete ipɨa isɨmbi vae reta.

SALMOS 84:6

Oasa ɨvɨtɨ päu ipe kavi Yaeo Renda jee vae yave, oipoepɨ reta ɨesaɨ pe, ama omotɨnɨe vi ɨ jɨru reta,

PROVERBIOS 16:15

Mburuvicha guasu oyerovia yave, oime tekove, jare ipɨa kavi, ama taɨkuegua rami ko.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 30:23

Jayave yandeYa omongɨta peremitɨ reta re iara pe kavi, oime pemaetɨ yave, jare ɨvɨ omoñemuñata jeta mbaembae. Jókuae ara rupi perɨmba reta jembíu katuta.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

LAMENTACIONES 4:2

Sión pegua reta, iyemboetea yae yepi oro güi vae, añave yogüɨreko ɨvɨyapepo, oñaeu-apo vae jembiapo rami.

EZEQUIEL 34:26

Cheɨvɨtɨ iyɨ́vɨri yogüɨreko retata jare cheporerekuata jese reta; ambouta ama okɨ iara pe kavi.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

LEVÍTICO 26:4

che ambouta peve ama iara pe kavi, jare ɨvɨ omee kavita mbaagüɨye, jare ɨvɨra reta kaa rupigua ia kavita;

AMÓS 4:7

“Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

ZACARÍAS 10:1

Peiporu yandeYa pe ama taɨkuegua, jae ama-vera oyapo vae ombouta peve jeta ama jare kaa jokɨ katuta peve.

ZACARÍAS 10:7

Efraín iñemuña reta sundaro jëia yae vae ramita. Ipɨa oyeroviata vino jou vae rami. Taɨ reta oecha yave oyerovia yaeta vi. ¡Ipɨa oyeroviata yandeYa re!

ZACARÍAS 9:13

Echa Judá amotäta ma cheyeupe güɨrapa oñemoata kavi rami, jare añono ndeve Efraín uvɨ rami. Jare Sión pegua reta amopüata, Grecia pegua reta kotɨ, jare roapota jëia yae vae ikɨsepuku rami.”

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

Hechos 14:17

Ërei jae jekuaeño oyekuaa chupe reta mbaembae ikavi vae jae oyapo vae rupi. Echa jae ombou yandeve ama oime vaerä mbaagüɨye, jökorai omee yandeve tembíu yayerovia vaerä.

DEUTERONOMIO 11:14

jae ombouta peɨvɨ re ama, iara pe kavi, tenondegua ama jare taɨkuegua ama mbaetɨta oata, pearɨvo vaerä trigo jäɨ, uva tɨɨgüe jare olivo iasaite.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.

DEUTERONOMIO 32:2

Oata ama rami cheporomboe, oata ɨsápɨi rami cheñemoñee, oata amandaɨvi rami kapii re, ani oata ɨ rami ñana re.

Filipenses 3:1

Jare añave cherɨvɨ reta, peyerovia yandeYa re. Mbaetɨ etei chekuérai amboaɨkuere ye aikuatía peve, echa ikavi ko peveguarä.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Filipenses 4:4

Peyerovia katu avei yandeYa re. ¡Peyerovia katu avei!