JOEL 2:2 - Biblia Guarani Tumpa Iñee

² Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

JOEL 2:2 Iomraidhean Croise

SALMOS 10:6

Ipɨa pe jei: “¡Ngaraai chemomɨi vae! ¡Ngaraai asusere!”

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

ÉXODO 10:14

Jare ou jetagüe tuku ɨvɨ Egipto re; opaetei oñemoai tëta guasu Egipto rupi, jeta yeyé mbaetɨi jökorai ou arakae jare ngaraai ou ye jökorai kuri;

ÉXODO 10:6

Jare omotɨnɨeta ndero reta jare opaete nderembiokuai reta jo, jare opaete Egiptoɨgua reta jo. ¡Nderu reta jare neramɨi reta ave mbaetɨ oecha kuae ɨvɨ pe yogüɨrekoɨpɨ güive vae!” Opa körai jei yave, oyerova ye ojo Faraón jóvai güi.

ÉXODO 20:21

Jayave Israel iñemuña reta omae ñogüɨnoi mombɨrɨ güiño, jayave Moisés oya amapɨtu pɨtumimbi oï vae re, echa joko pe Tumpa oï.

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 13:6

Ɨma pe yandeYa jei ye cheve: “Ekua ɨ̈aka Éufrates güi eru jókuae kuakuaa royókuai reñomi joko pe vae.”

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

EZEQUIEL 32:7

Che romboai yave, ara ambopɨtumimbita, jare yasɨtata reta ogüeta, kuaraɨ amoiata amapɨtu pe jare yasɨ mbaetɨta oesape.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

EZEQUIEL 38:9

Reyuta nde ama ɨvɨtuai reve vae rami, amapɨtu ɨvɨ oyasoi ramita reñova ɨvɨ opaete ndesundaro reta ndive jare jeta oñemoïru nde ndive vae reta ndive.’

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

DANIEL 9:12

Nde, rembou ikavimbae yae vae oreré vae rupi, rembopo jókuae reñererökuavee rembou vaerä oreve vae jare oreruvicha reta re vae; echa mbaetɨi rembou mbaeporara ɨvɨ re, Jerusalén re rembou rami.

JOEL 1:6

Echa metei tëta imbaepuere yae vae jare jetagüe yae vae oike cheivi pe; jäi yaguapope jäi nunga, jare jäi-rugua yaguapope jäi-rugua nunga.

JOEL 2:25

Amboekoviata peve jókuae año reta rupi, taso jare tuku reta opa jou pegüi vae, jókuae chesundaro jetagüe ambou pekotɨ vae.

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

JOEL 2:5

Käretou ñeraro pegua opärara vae rami osɨi reta ɨvɨtɨ guasu iyapɨte rupi, ɨvɨra joogüe opiriri ókai tata pe rami, sundaro jeta yae vae oyupavo kavi oñeraro vaerä vae rami.

JOEL 3:4

Pe reta: “Tëta guasu Tiro, Sidón jare opaete filisteo reta iɨvɨ, ¿mbae pa ayapo peve? ¿Maera pa peipota peyepɨ cheré? ¡Ërei peyepɨ cheré yave, ɨmambae pegua che amboekoviata peve mbaeyoa peyapogüe!

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

ZACARÍAS 14:6

Jókuae ara mbaetɨta jembipe kavi, mbaetɨta vi pɨtumimbi.

San Mateo 24:21

Echa jókuae ara reta pe oimeta tembiporara guasu yavaetegüe ɨvɨ pegua reta pe. Mbaetɨi jókuae nunga iyɨpɨ güive añave regua vae, jare ngaraai oime ye jókuae nunga.

San Marcos 13:19

Echa jókuae ara reta pe oimeta tembiporara guasu. Mbaetɨi jókuae nunga Tumpa ɨvɨ oyapo güive, añave regua, jare ngaraai oime ye jókuae nunga.

DEUTERONOMIO 32:7

Pemaendúa arakae oasagüe re, pemae arakae güive ma oasa ou oiko vae re; peparandu peru reta pe, jae reta timiari peve; peparandu ndechi reta pe, jae reta timiari peve:

Hebreos 12:18

Ërei pe reta mbaetɨ ko peya ɨvɨtɨ guasu Sinaí re, jókuae jendɨ vae re, pɨtumimbi jare ɨvɨtuai re,

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.

Apocalipsis 9:2

Jayave oipea ɨvɨkua guasu, jare joko güi oë tätati horno tuicha yae vae güi oë rami. Jare kuaraɨ jare ara oyembopɨtumimbi tätati ɨvɨkua güi oë vae jeko pegua.