JOEL 2:16 - Biblia Guarani Tumpa Iñee

¹⁶ pemboatɨ tëta pegua reta, peñono tee kuae yemboatɨ, pemboatɨ ndechi reta, michia reta, jare michia okambu vɨteri vae reta, ¡omenda ramo vae reta topüa jupa güi!

JOEL 2:16 Iomraidhean Croise

2 CRÓNICAS 20:13

Jare opaete Judá pegua reta oyemboɨ ñogüɨnoi yandeYa jóvai, jembireko reve reve, taɨ reta, jare imichia reve reve.

2 CRÓNICAS 29:5

Jare jei chupe reta: “Leví iñemuña reta, peyeapɨsaka cheré: Peñeñono tee añave, peñono tee vi yandeYa jo, peñemuñagüe reta iTumpa jo. Penoe tupao güi opaete ikavimbae.

2 CRÓNICAS 30:17

Echa joko pe ñogüɨnoi jeta mbaetɨ oñeñono tee Tumpa pe vae, jáeramo levita reta oyuka Pascua pegua mɨmba reta opaete jókuae mbaetɨ oñeñono tee Tumpa pe ñogüɨnoi vae reta re, oñono tee reta vaerä yandeYa pe.

2 CRÓNICAS 30:19

nde, iñemuñagüe reta iTumpa, yepe tëi mbaetɨ oyetɨo reta o mbaemboetea pe oyekuatía oï rami.”

2 CRÓNICAS 35:6

Peyuka vecha Pascua pegua oyeyuka vae, peñeñono tee jare peñono kavi perëtara reta pe ipuere vaerä oyeapo yandeYa oporookuai Moisés rupi vae.”

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

SALMOS 19:5

Jare kuaraɨ, omenda ramo vae jo güi oë rami, oñoñókuai vae oyerovia reve osɨi vae rami.

ÉXODO 19:10

jare yandeYa jei Moisés pe: —Ekua emboyupavo jare toñeñono tee reta, añave jare pɨareve; toputuka reta jemimonde,

ÉXODO 19:15

Jei chupe reta: —Peyupavo kóeramo peguarä; agüɨye pepoko kuña re.

ÉXODO 19:22

Jaeramiño vi sacerdote reta oya chekotɨ vae toñeñono tee, agüɨye vaerä maratu ayapo reta.

JOEL 1:14

Pemoërakua opaete vae pe oyekuaku vaerä tembíu güi, peyapo yemboatɨ; pemboatɨ opaete tenondegua reta jare opaete kuae ɨvɨ pe yogüɨreko vae reta, peyomboatɨ kuae yandeYa Tumpa jo pe jare peyerure chupe.

San Mateo 21:16

Jayave jei reta Jesús pe: —¿Reendu pa kuae reta jei vae? Jesús jei chupe reta: —Aendu. ¿Mbaetɨ pa pemongeta kuae regua Tumpa Iñee pe oyekuatía oï vae? Echa jei: “Michia reta rupi jare okambu vɨteri vae reta rupi remboyekuaa ndembaepuere.”

San Mateo 9:15

Jayave Jesús jei chupe reta: —Mendaa pe ñogüɨnoi vae reta ¿oyekuaku ra tembíu güi, omenda vae jae reta ndive oï ramboeve? Ërei outa oväe ara jókuae omenda vae oyererajauka vaerä chugüi reta. Jayave ramo oyekuaku retata tembíu güi.

1 Corintios 7:5

Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

JOSUÉ 7:13

Epüa, eñono tee cheve opaete vae, ere chupe reta: “Peñeñono tee Tumpa pe pɨareve peguarä; echa yandeYa, Israel iTumpa jei körai: ‘Pe Israel iñemuña reta, yepopeyu oï jese vae oime penoi; mbaetɨta pepuere peñeraro perovaicho reta ndive, peekɨ regua pepɨte güi jókuae yepopeyu oï jese vae.’ ”

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.

1 SAMUEL 16:5

Jae jei: —Jökorai ko. Ayu ko amee mɨmba oyeyukagüe yandeYa pe; peñeñono tee jare peyu che ndive mɨmba oyeyuka oñemee yandeYa pea pe. Javoi Samuel oñono tee Isaí jare taɨ reta, jare oparea chupe reta yogüɨraja vaerä mɨmba oyeyukagüe oñemee yandeYa pea pe.