JOEL 2:12 - Biblia Guarani Tumpa Iñee

¹² YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

JOEL 2:12 Iomraidhean Croise

2 SAMUEL 24:10

Ërei David opa güire oyapo kuae yepapa, ou jasɨ ipɨa pe kuae oyapogüe, jare oyemombeu Tumpa pe körai: —CheYa, cheyoa ko tuicha ayapo ramboeve kuae. Ërei romoñera añave neɨ̈ro vaerä cheve cheyoa re, echa ayapo ko iyarakuaambae rami.

2 CRÓNICAS 30:6

Jökorai yogüɨraja ñee jerajaa reta opaete Israel rupi jare Judá rupi mburuvicha guasu jare iyɨvɨrigua reta jembikuatía ndive, omoërakua vaerä mburuvicha guasu iporookuai jei reta reve: “Israel iñemuña reta, peyerova ye yandeYa kotɨ, Abraham, Isaac jare Israel iTumpa kotɨ, jare jae oyerova yeta pekotɨ, opaete pe perembɨre mburuvicha guasu reta Asiria pegua ipo güi vae.

2 CRÓNICAS 6:27

nde eendu iyerure reta ara güi jare neɨ̈ro nderembiokuai reta pe jare ndembae Israel iñemuña reta pe iyoa re, jare emboe reta ikavi oguata vaerä. Javoi embou ama kuae ɨvɨ nde remee ndembae reta pe vae re.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ÉXODO 33:5

echa yandeYa jei yepe Moisés pe: —Ere Israel iñemuña reta pe: “Pe reta jae ko ipɨa täta yae vae. Michi pegua yepe aï pepɨte pe yave, opata pomboai. Añave pemboi peyeugüi peremimonde ikavigüe, che aikuaa vaerä mbae ayapota peve vae.”

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

ISAÍAS 58:4

Yekuaku tembíu güi iara pe, peyoaka jare peñoraro vaeräño, peporombopere püriete pe. Agüɨye yekuaku iara pe peyapo jökorai, echa ngaraa aendu peve peyerure reta.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 4:1

YandeYa jei: “Israel, reyerova ye ko yave, eyerova ye chekotɨ. Rembosɨrɨ yave netumpa-raanga reta ikavimbae yae vae cheróvai güi jare mbaetɨta ma resɨrɨ chegüi yave,

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

DANIEL 9:3

Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi.

OSEAS 12:6

Israel pegua reta, peyerova ye peTumpa kotɨ; peyapo peporoaɨu avei reve jare jupi rupi, jare peyeko avei Tumpa reño.

OSEAS 12:7

YandeYa jei: “Omaemee vae güɨnoi ipo pe mbaejäaka oyemboyoavɨgüe, echa ipöra chupe oporombotavɨ vaerä.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

MALAQUÍAS 1:9

Añave peyerure Tumpa ipɨakavi re yandeparareko vaerä. Ërei, ¿kërai pa pepuere pembopɨakatu, kuae nunga mbota reta peru reve? Jei yandeYa Imbaepuere yae ete vae.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

JUECES 2:4

YandeYa iaraɨgua opa imiari yave, opaete Israel iñemuña reta jäse täta oyaeo.

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.