JOEL 2:1 - Biblia Guarani Tumpa Iñee

¹ Pemoñee mimbɨguasu ɨvɨtɨ Sión pe; pemoñee yemombarandu cheɨvɨtɨ oñeñono tee vae re, perɨrɨi opaete, pe kuae ɨvɨ ipo reta, echa yandeYa iporojäa iara köi ma oï.

JOEL 2:1 Iomraidhean Croise

1 CRÓNICAS 15:28

Jökorai opaete Israel iñemuña reta güɨraja Tumpa ikäjou morogüɨrökuavee päve pegua, jäsémbai oyerovia yae güi mimbɨ iñee ndive, mimbɨguasu, platillo reta, ngitara jare arpa reta ipu ndive.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 87:1

Tëta guasu Jerusalén iguapɨka oï ɨvɨtɨ oñeñono tee vae re.

ÉXODO 10:14

Jare ou jetagüe tuku ɨvɨ Egipto re; opaetei oñemoai tëta guasu Egipto rupi, jeta yeyé mbaetɨi jökorai ou arakae jare ngaraai ou ye jökorai kuri;

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 13:9

Mase, oväe ma yandeYa iporojäa iara, ara yavaetegüe jare arasɨ yae pegua, oeyata ipombae ɨvɨ, opata omokañɨtei chugüi iyoa vae reta.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 16:10

Remoërakua yave opaete vae pe kuae mbaembae reta re, oparandu retata ndeve: ‘¿Maera pa kuae ikavimbae yae vae yandeYa omoërakua orekotɨ? ¿Mbae ikavimbae pa ko oime royapo? ¿Mbae nunga mbaeyoa pa ko oime royapo yandeYa Tumpa kotɨ?’

JEREMÍAS 16:7

Manoa pe tembíu kavi oyeapo vae ave mbaetɨta ombopɨakatu vaerä omano vae jëtara reta, yepe tëi omano tu ani ichɨ.

JEREMÍAS 4:5

Emoërakua kuae Jerusalén pe jare Judá pe ere: Pemoñee mimbɨguasu opaete kuae ɨvɨ rupi, pesapúkai täta, jare pere: ‘¡Peyemboatɨ! ¡Yaike vaerä tëta guasu oñekëse kavi yae vae pe!’

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

EZEQUIEL 12:23

Jáeramo ere chupe reta: ‘Körai jei yandeYa: Che amboapɨta Israel pe jókuae ñee reta.’ Jare emombeu vi chupe reta köiño yae ma oyembopo vaerä Tumpa oechauka iñeemombeúa reta pe vae.

EZEQUIEL 21:12

Nde kuimbae, ¡neräse jare jasɨ katu reve eyaeo, echa kuae kɨsepuku oyukata chembae vae reta jare opaete mburuvicha reta Israel pegua! Jae reta omanota chembae vae reta ndive, ekua ndeu re ndepɨatɨtɨ güi;

EZEQUIEL 30:3

köi yae ma ou; ¡köi yae ma ou yandeYa iara oporojäa vaerä! ¡Ara pɨtumimbi yaeta vae, tëtaguasu reta oiporarata vae!

EZEQUIEL 33:3

Jare jókuae omae vae oecha yave tovaicho reta yogüeru ikotɨ reta, jare omoñee mimbɨguasu omombarandu vaerä tëta pegua reta yave.

EZEQUIEL 33:6

Ërei jókuae omae vae oecha tëi tovaicho reta yogüeru reve mbaetɨ omoñee mimbɨguasu tëta pegua reta oyemombarandu vaerä yave, jare tovaicho reta oyuka yave amogüe tëta pegua, jókuae omano vae, omano ko iyoa jeko pegua; ërei che aiporaraukata imano re jókuae omae vae pe.’

EZEQUIEL 7:10

¡Mase, ko ma oï ara! ¡Ou ma oväe kañɨtei!, ikavimbae oï oipota rupi, oasa ete ma pepɨarai.

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

DANIEL 9:16

OreYa Tumpa, roikuaa ko ndepɨakavi yae vae. Romoñera rembosɨrɨ vaerä ndearasɨ nerëta guasu Jerusalén güi, ndeɨvɨtɨ oñeñono tee vae. Opaete tëta guasu reta iyɨ́vɨri ñogüɨnoi vae pegua reta opuka puka omae reta Jerusalén re jare ndembae vae reta re, ore jare oreñemuñagüe reta iyoa jeko pegua.

DANIEL 9:20

Che jekuaeñoi ayerure jare ayemombeu cheyoa re jare cherëta Israel iyoa re, aeka yemborɨ cheYa Tumpa pe iɨvɨtɨ oñeñono tee vae peguarä.

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

OSEAS 8:1

Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

JOEL 2:15

¡Pemoñee mimbɨguasu Sión pe! Pemoërakua yemboatɨ jare yekuaku tembíu güi vae;

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

JOEL 3:14

Jeta yae vae ou ɨvɨtɨ päu ipe kavi vae Kïreɨ jee vae pe, echa köi yae ma oï yandeYa iporojäa iara.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

AMÓS 5:18

¡Paravete, jókuae yandeYa iporojäa iara oäro vae reta! ¿Maera pa peipota jókuae ara? Yavaete yaeta ko, mbaetɨta ko ikavi.

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

SOFONÍAS 1:14

¡Köi yae ma ou vaerä yandeYa iporojäa iara yavaete yae vae! ¡Köi yae ma, outa ete ma! YandeYa iporojäa iara yavaete yaeta jɨapu: ¡Jëia yae vae jäseta jókuae ara!

SOFONÍAS 1:16

mimbɨguasu ñeraro pegua jare sapúkai ñeraro pegua iara outa tëta guasu oñekëse kavi vae re, jare jo ɨvate yae vae, sundaro reta imaeka re.

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

ZACARÍAS 14:1

Mase, ko yandeYa iporojäa iara ou ma, ndembaembae opata oyemboyao yao ndegüi Jerusalén.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

NÚMEROS 10:2

“Eyapo ndeyeupe mókoi mimbɨguasu korepoti pegua; martillo pe oyeapo vae eyapo, pɨpe remboatɨ vaerä opaete vae, pɨpe vi toyemombeu omboɨpɨ reta vaerä oguata.

NÚMEROS 10:3

Oñemoñee yave mókoi reve, opaete vae toyemboatɨ nderóvai tupao guakapi pegua ikësea jöke pe.

1 Corintios 14:8

Mimbɨ guasu, oñemoñeeiño yave, ¿oyeapokatuta pa sundaro reta ñeraro peguarä?

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

Santiago 5:8

Jökoraiño vi pe reta pepɨaguasu. Jekuaeño peñemoäta ngatu. Echa oyearo ma yandeYa ou ye vaerä.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Apocalipsis 6:17

Echa oväe ma ara Vecha kuimbae taɨrusu vae iyarasɨ yae vaerä, ¿kia pa ipuereta güɨropɨa?