JOEL 1:14 - Biblia Guarani Tumpa Iñee

¹⁴ Pemoërakua opaete vae pe oyekuaku vaerä tembíu güi, peyapo yemboatɨ; pemboatɨ opaete tenondegua reta jare opaete kuae ɨvɨ pe yogüɨreko vae reta, peyomboatɨ kuae yandeYa Tumpa jo pe jare peyerure chupe.

JOEL 1:14 Iomraidhean Croise

2 REYES 10:20

jáeramo oporookuai oñemoërakua vaerä metei arete tuicha vae oyeapota Baal pe vae; jökorai oyeapo.

2 CRÓNICAS 20:13

Jare opaete Judá pegua reta oyemboɨ ñogüɨnoi yandeYa jóvai, jembireko reve reve, taɨ reta, jare imichia reve reve.

NEHEMÍAS 8:18

Oyapo reta arete mbaemboete pegua chiu ara, jare Esdras omongeta Tumpa iporookuai reta tembikuatía pe oï vae ara ñavo, tenondegua ara güive chiu ara regua; jare juri araa pe oiko yemboatɨ guasu mbaemboete pegua, oyaposeñoi rami.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

JEREMÍAS 14:2

“Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 36:9

Joacim, Josías taɨ, chaúa yasɨ pandepoa año ma oiko mburuvicha guasurä Judá pe yave, oñemoërakua oime vaerä yekuaku tembíu güi yandeYa jóvai, Jerusalén pegua reta peguarä jare opaete ïru tëta guasu reta Judá pegua güi yogüeru Jerusalén pe vae reta peguarä.

JOEL 1:2

Tenondegua reta jare opaete kuae ɨvɨ pegua reta, peendu kuae: ¿Peara rupi ani peru reta iara rupi, oasa pa kuae nunga mbae?

LEVÍTICO 23:36

Chiu ara pemee mbota oyeapɨ vae cheve; jare juría ara pe peyapo yemboatɨ mbaemboete pegua, jare pemee mbota oyeapɨ vae cheve; arete ko, agüɨye mbae nunga mbaravɨkɨ ipoɨgüe peyapo.

JONÁS 3:5

Jare kuimbae reta Nínive pegua güɨrovia Tumpa re, jare omoërakua reta opaete vae oyekuaku vaerä tembíu güi jare oyemonde reta vaerä temimonde mbɨatɨtɨ pegua pe, oikokatu vae reta güive jare paravete vae reta.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

SOFONÍAS 2:1

Pe tëtaguasu imarambae reta, peyemboatɨ jare peyemongeta,