JEREMÍAS 8:9 - Biblia Guarani Tumpa Iñee

⁹ Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

JEREMÍAS 8:9 Iomraidhean Croise

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

JOB 5:12

Ipoki ikavimbae oyapo vae reta iyemongeta güɨrokomegua chugüi, agüɨye vaerä mbae oyapo reta.

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

ISAÍAS 19:11

¡Mbaetɨ ko iyarakuaa Zoán pegua mburuvicha reta, opa oikomegua Faraón omboarakuaase vae reta iyarakuaa! ¿Maera pa jei reta Faraón pe: “Iyarakuaa katu vae reta iñemuña ko ore, arakae vae mburuvicha guasu reta iñemuñagüe ko ore”?

ISAÍAS 29:14

jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 49:7

YandeYa Imbaepuere yae ete vae jei Edom iñemuña reta regua körai: “¿Mbaetɨ ma pa arakuaa katu Temán pe? ¿Opa pa arakuaa katu iyarakuaa katu yae vae reta güi? ¿Oikomegua pa chugüi reta iyarakuaa katu?

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 6:19

Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

AMÓS 2:4

YandeYa jei körai: “Judá pegua reta iyoa yae jeko pegua, mbaetɨta cheɨ̈ro chupe reta; echa güɨröɨro reta mborookuai amee vae jare mbaetɨ oyapo reta, echa itumpa-raanga reta opa omombia reta, jókuae iñemuñagüe reta omboetese vae.

ZACARÍAS 13:4

Jókuae ara imarata opaete ñeemombeúa reta imiari oechagüe re, metei ave mbaetɨta ma omonde mbae ipiregüe javuku vae, iyapu vaerä.

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’

2 Timoteo 3:15

jare kërai nemichi güive reikuaa Tumpa Iñee re. Jókuae reta ndemboarakuaata yemboasa re, mborogüɨrovia Cristo Jesús rupi.