JEREMÍAS 8:6 - Biblia Guarani Tumpa Iñee

⁶ Ayeapɨsaka avei aiko, ërei mbaetɨ kia ave aendu oyembopɨambuae jeko kavimbae güi jare jei: ¿Mbae pa ko ayapo? Opaete vae ojo jape rupi ae ae, kavayu osɨi ñeraroa kotɨ rami.

JEREMÍAS 8:6 Iomraidhean Croise

JOB 10:2

Jaeta Tumpa pe: Agüɨye chemboeko; eikuaauka cheve maera ko reyemboyovaicho che ndive vae.

JOB 34:31

Jayave ikavi jei Tumpa pe vae: “Chetavɨ ma, ngaraa ye ma cheyoa.

JOB 34:32

Chemboe mbaetɨ aikuaa vae re, ikavimbae ayapo yave, ngaraa ma ayapo ye.”

SALMOS 14:2

YandeYa omae ara güi opaete kuimbae reta re, oecha vaerä oime ra kia iyarakuaa vae, oeka Tumpa vae.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

ISAÍAS 59:16

Jare yandeYa ipɨakañɨ, oecha yave mbaetɨ kia oyapo kavi kuaekuae; jayave jae etei oyapo imbaepuere rupi, jare oporomoamɨri.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 3:5

ndearasɨ aveita pa reiko? ¿Ndearasɨta pa jekuae ave rupi?’ Körai rere tëi cheve reve, reyapo jeta mbae ikavimbae.”

JEREMÍAS 5:1

YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

EZEQUIEL 18:28

Echa omae jare opia opaete ikavimbae oyapo vae güi. Oikoveta ko, ngaraa omano.

EZEQUIEL 22:30

Aeka tëi kia oñemoe kuae ɨvɨ re vae, oepɨ vaerä, oyerure vaerä cheve, agüɨye vaerä opa amboai, ërei mbaetɨ aväe chupe.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

SOFONÍAS 3:7

Jae cheyeupe: ‘Körai Jerusalén oipoɨuta chegüi, jare oyeapɨsakata cheré; jayave ngaraa ñakañɨ opaete jókuae mbaembae re aiporarauka chupe vae güi.’ Ërei jae reta jeieteño jarembae pegua oyapo reta jeta ikavimbae.

HAGEO 1:5

YandeYa Imbaepuere yae ete vae jei körai: Peyemongeta kavi pereko reta re.

HAGEO 1:7

YandeYa Imbaepuere yae ete jei körai: Peyemongeta kavi pereko reta re.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

2 Pedro 3:9

YandeYa oipotaíä ko ndeiño ombopo iñee, echa yandeYa ipɨaguasu ko yandeve, mbaetɨ ramo oipota metei ave okañɨtei, jae oipota opaete oyerova ikotɨ vae.

Apocalipsis 9:20

Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;