JEREMÍAS 8:2 - Biblia Guarani Tumpa Iñee

² jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

JEREMÍAS 8:2 Iomraidhean Croise

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

2 REYES 21:5

Omopüa ye ïru mɨmba oyeyuka oyeapɨ jese vae reta opaete ara ipo reta peguarä, yandeYa jo joka mókoi oï vae ñavo pe.

2 REYES 23:5

Javoi opa omoë omombo sacerdote reta mburuvicha guasu reta Judá pegua oñono sacerdoterä vae, oapɨ reta vaerä ikäti kavi vae incienso mbaemboete renda ɨvɨtɨ rupigua, tëta guasu reta Judá pegua rupi jare Jerusalén iyɨ́vɨri ñogüɨnoi vae reta rupi vae, jaeramiño vi ikäti kavi vae incienso oapɨ reta Baal pe vae, kuaraɨ pe jare yasɨ pe vae, yasɨtata reta pe vae, jare opaete ïru ara ipo reta pe vae.

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

SALMOS 83:11

Eyapo isundaro ruvicha reta pe, mburuvicha reta Oreb jare Zeeb pe reyapo rami; jare eyapo opaete juvicha reta pe, mburuvicha reta Zeba jare Zalmuna pe reyapo rami,

ECLESIASTÉS 6:3

Yepe mona metei kuimbae güɨnoi cien taɨ, jare oiko ɨma año; ërei ɨma año oiko reve, mbaetɨ yave oyekou opaete mbaembae re ani mbaetɨ oñeotɨ kavi, che jae jókuae nunga pe, michia raɨ okuagüe jërakua kavi yeño jókuae kuimbae güi.

JEREMÍAS 14:16

Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.

JEREMÍAS 16:11

Jayave nde ere chupe reta: ‘YandeYa jei: Peñemuñagüe reta chereeya jare omboete reta tumpa-raanga reta; oyeokuai jare oyetavatɨka reta chupe reta; chereeya reta jare mbaetɨ oyapo reta cheporookuai.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 16:6

Oikokatu vae reta jare paravete vae reta omanota kuae ɨvɨ pe; mbaetɨta kia oñotɨ reta vaerä jare oäpiro reta vaerä, ipɨatɨtɨ güi oyembopere vae ani opa oñeapi vae ave mbaetɨta jese reta.

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 22:19

Mburika omano ramiñota oyapo reta; ombotɨrɨrɨta güɨraja omombo, Jerusalén güi ikatu pe.”

JEREMÍAS 25:33

YandeYa oyukauka jókuae ara vae, oñemoaita ɨvɨ jembeɨ güive ïru jembeɨ pe. Ngaraa etei kia oyaeo jese reta vae, mbaetɨta kia güɨraja jetegüe oñotɨ vae; oñemoaita opɨta ɨvɨ rupi tepoti rami.

JEREMÍAS 31:40

Opaete ɨvɨtɨ päu ipe kavi vae omanogüe oñeotɨ pɨpe vae jare tanimbu oyemomboa, jare opaete ɨvɨtɨ päu ipe kavi vae oï ɨ̈aka Cedrón iárambo vae güive Kavayu Röke jee vae iekina pe, kuaraɨ oëa kotɨ, oñeñono tee chevegüarä. Jare kuae tëta guasu ngaraa ye ma oyemboai.”

JEREMÍAS 36:30

Jáeramo, che ndeYa jae Joacim mburuvicha guasu Judá pegua kotɨ, mbaetɨ vaerä güɨnoi iñemuña reta güi oguapɨ vaerä David iporookuaía pe. Jëogüegüe opɨtata kuaraɨ jasɨ pe jare iroɨ pe pɨ̈tu yave.

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

JEREMÍAS 9:21

“Mano ou oike yandero pe, oyuka michia reta kaye pe jare taɨrusu reta oka guasu pe.

JEREMÍAS 9:22

Kuimbae reta jëogüegüe oñemoai tepoti rami kaa rupi, trigo oyepoo yave osururu ɨvɨ rupi vae mbaetɨ ye kia omonoo vae rami.” Jei yandeYa.

EZEQUIEL 29:5

Jare romombota ñuu pe, opaete jókuae ɨ pegua pira reta ndive, ɨvɨ ipombae pe reata reo, ngaraa kia ndereupi neotɨ vaerä. Mbaeporou reta jare uruapúa reta opata ndereu.

EZEQUIEL 39:5

Perëogüe oyoata ɨvɨpe kavi rupi, echa che Tumpa ko jae kuae.

EZEQUIEL 6:5

Israel iñemuña reta jëogüegüe añonota itumpa-raanga reta jóvai, jare ikägüegüe reta amoaita mɨmba oyuka omee jese vae iyɨ́vɨri rupi.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

SOFONÍAS 1:17

YandeYa jei: “Aiporaraukata kuimbae reta pe, jare oguata retata jesambae rami, echa iyoa reta chekotɨ. Jugüɨ oyepɨyereta ɨvɨkúi rami, jare isoo oyemboatɨta tepoti rami.”

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

Hechos 7:42

Jáeramo Tumpa oyerova chugüi reta, jare omaeño omboete reta vaerä opaete ara ipo reta. Echa ñeemombeúa reta jembikuatía pe oyekuatía oï körai: “¿Cheve yera pemee mɨmba peyukagüe reta cuarenta año ñuu rupi peiko ramboeve, Israel iñemuña reta?

DEUTERONOMIO 17:3

omboete yave oyetavatɨka reve tumpa-raanga, kuaraɨ, yasɨ ani opaete ara ipo reta yandeYa oyopia vae,

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.