JEREMÍAS 7:6 - Biblia Guarani Tumpa Iñee

⁶ jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

JEREMÍAS 7:6 Iomraidhean Croise

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 REYES 24:4

jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

SALMOS 106:38

Opɨyere reta jekombae jugüɨ; taɨ reta jare tayɨ reta jugüɨ, omee reta mbotarä tumpa-raanga Canaán pegua pe. Omongɨa reta jókuae ɨvɨ, jókuae tugüɨ pe,

PROVERBIOS 23:10

Agüɨye erosɨrɨ ndeɨvɨ jembeɨ oyembojaangaño mai oï vae; agüɨye eroike ndeɨvɨ jembeɨ tɨ̈reɨ reta iɨvɨ pe ave,

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

JEREMÍAS 13:10

Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 2:34

Nderemimonde yɨpe oï, paravete vae reta jare jekombae reta jugüɨgüe pe, yepe tëi mbaetɨ mbae nunga teko reväe jese reta; ërei opaete kuaekuae reta reve rere:

JEREMÍAS 26:15

Ërei peikuaa kavi peyeupe: Cheyuka yave, pe reta, kuae tëta guasu jare opaete yogüɨreko pɨpe vae reta penoita teko, jekombae jugüɨ re; echa añetete ko yandeYa chembou pépɨri, amoërakua vaerä peve etei opaete kuae ñee reta.”

JEREMÍAS 26:23

kuae reta güeru Egipto güi Urías, jare omee mburuvicha guasu Joacim ipo pe; jae omondo oyukauka jare jëogüegüe oñotɨuka oipotagüe ramiño.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 5:28

Okaru kavi jare ikɨra yae reta. Jeko ikavimbae oyapogüe oasa ete ye; mbaetɨ oyapo reta jupi vae tɨ̈reɨ pe, mbaetɨ oyapo jupi vae paravete vae reta pe.

JEREMÍAS 7:5

Ërei peñono kavi pereko reta jare peñeñono kavi ikavimbae peyapo vae reta güi yave, jare peyapo yave jupi vae oyoupe perapicha reta ndive,

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

EZEQUIEL 18:6

Mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive, mbaetɨ vi oya jembireko re jugüɨ oï yave;

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

LEVÍTICO 19:33

Agüɨye peiporarauka ketɨgua yogüɨreko pepɨte pe vae pe.

LEVÍTICO 25:17

Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 27:25

Jayave opaete vae reta jei: —Ore jare oreñemuña reta re toï teko.

San Mateo 27:4

jei reve: —Ayapo mbaeyoa. Amee ramboeve peve jókuae kuimbae jekombae vae Jayave jae reta jei chupe: —¡Jókuae mbaeä ko oreve! ¡Nderei ma ko oï!

DEUTERONOMIO 11:28

Peikota yepopeyu rupi, mbaetɨ yave peyapo yandeYa Tumpa iporookuai reta jare pepia yave pomboe añave jese vae güi, pemboete vaerä tumpa ambuae reta peikuaambae.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’

DEUTERONOMIO 8:19

Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.